威龍海鮮酒家

营业中

休息中

大家讲开食海鲜，齐齐谂到香港鲤鱼门，海鲜出名又多又新鲜，朋友介绍《威龙》，呢度地方都几大，有唔少独立房间，自己人可以畅怀大吃大喝，不设最低消费，今日好好彩，安排咗嘅房间可以睇到日落海景。餐前小吃有酸姜、荞头及皮蛋，皮蛋记得加少少砂糖，特别美味，仲有爽脆辣味青瓜醒醒胃。白灼海鲜虾~好新鲜，好薄壳，虾肉鲜甜，沾少少辣椒芫荽葱甜豉油更觉鲜味。鼓椒蛏子配煎米粉底~蛏子新鲜爽口弹牙，炒嘅时间啱啱好，好少食到煎米粉底，索晒啲豉汁好惹味。盐烧鲍鱼~盐烧味道唔会太咸，鲍鱼大大只，熟嘅程度刚刚好，咬落爽口好鲜味。酥炸生蚝~虽然炸浆比较厚，酥炸就系要品尝埋炸浆外皮嘅香脆，非常可口，生蚝好大只，每人有两件。油盐焗奄仔蟹~哗哗哗！每只蟹都充满蟹肉蟹膏，十分充实，整只奄仔蟹油爆后再用油盐姜葱焗，够晒入味，不得了！蟹膏浓香味道超正！丝丝蟹肉嫩滑无比！奄仔蟹就系蟹盖内多一层肉，要趁啱季节食，啲蟹就更加肥美。风沙豆腐~即系避风塘炒法，配合大量炸蒜，呢个加咗豆豉更加香口，特别浓味，豆腐热辣辣好滑。生炒排骨~味道调教得唔错，排骨肉比较肥。面酱唐生菜~生菜爽淋，面酱汁甜甜地，加入姜丝，唔错。招牌炒饭~厨师要记一功，炒饭粒粒