發哥粥底海鮮火鍋 (已結業)

原来显径都有粥底火锅食架！住显径嘅朋友仔记得去试吓今次要同大家介绍翠逸轩发哥粥底海鲜火锅，今次就系同朋友两个人去食，一人带咗一个餐！就系带咗龙虾餐，同埋海蟹餐！配料就嗌左美国肥牛，新鲜猪红，海虾，唐生菜。前菜方面，餐厅会预备青瓜，同埋花生。青瓜系辣辣地，好开胃。另外仲有一碗例汤，不过唔记得左叫咩名！哈哈一开始，餐厅会准备一煲粥水，记得煲滚左之后先落料！温馨提示记得跟足餐厅提供嘅建议食法煮，识食就梗系落晒啲海鲜先啦！海蟹蟹肉鲜甜，仲要几多肉，点少少豉油食，啱啱好！龙虾就好弹牙，仲要好香！真系不错不错！食完我最钟意嘅海鲜，就梗食返啲生菜！生菜吸收左汤底嘅味道！有少少海鲜味！几特别！然后到海虾，好新鲜，仲要几大只，咬落去又系啖啖肉！食完啲𩠌之后，就可以系侍应帮你加粥，煲到滚就可以食㗎啦嘢饮方面系任饮㗎！有好多唔同嘅汽水，果汁，任君选择 ！