發哥粥底海鮮火鍋 (已結業)

想一次过可以食海鲜同打边炉、仲要有埋粥底，呢度就可以一次过满足晒你啦。拣咗龙虾餐，每人有半只。龙虾及其他海鲜$288一位。先有一啲凉菜及炖汤。炖汤热辣辣，足料！汤嘅味道几浓郁。然后就有一榨竹蔗水俾你饮，出边仲有多款不同汽水及其他饮品俾你选择，全部任饮。海鲜方面可以拣新鲜鲍鱼或冰镇鲍鱼。我哋拣咗新鲜鲍鱼。其他海鲜龙虾🦞、有蛏子、桂花蚌、多宝鱼、黄金蚬、海虾、时令贝。海鲜都算唔错，而且几丰富。一碟安格斯牛肩肉，呢个好食牛未够重，食得出系呢牛唔错。另外自选八款火锅配料。基本上有唔同肉类、丸类、蔬菜类等等。最后仲送咗甜品俾我哋食。系椰汁马豆糕，黄豆味好香，椰汁味都唔错。整得几结实好食。