喜鍋 海鮮.點心.活刺身 蒸氣石鍋專門店 (已結業)

去左尖沙咀呢间高级食店食晚餐，食嘅系海鲜蒸气火锅，入到去，装修已经好别致，好有中式餐馆味道，旁边仲有大鱼缸，见到各种新鲜嘅海产。嗌左花竹虾，好大条，好鲜甜，肉质弹牙，正！仲有点少得我爱嘅大蚝，成只手掌再大，清得好干净，蚝味够，谂起都流口水丫！海鲜仲有蟹，真系食得够豪，一人一只蟹，虽然吾算大只，但胜在多膏，差吾多成只都膏蟹嚟，正丫！除左海鲜，我地仲嗌左肉，有靓靓牛，切得厚薄适中，牛嘅脂肪分布平圴，入口即溶又食得出好香牛味，好食好食！仲食左冬虫草蒸鸡，鸡有少少切得太碎，不过肉质都好香，店员话系新鲜鸡嚟嫁。另外仲嗌左丸丫，菜丫，蒸包丫咁，但最后食嘅粥先系精华，因为食到最后，系锅底嘅粥都变左金黄色，好香又好棉。正到呢，好想再去食。餐厅服务好，用料又真系好新鲜，虽然价钱有少少贵，但一食就知值得，会再嚟食同推介俾朋友。