影片
更多
2010-04-30
332 浏览
受以下食家的食评吸引，上星期日一家人去咗西贡食海鲜。同样系去街市买海鲜，仲要咁啱又系𠮶档。我地得三个人，唔可能食得太多。买了鲍鱼、大蛏子、跳螺、奄仔蟹同筒蚝。买料买了$370，加工后埋单$410。去到六福，被安排坐三楼。人不算多，都几舒适，不过个tv太细。坐定后就立刻交带煮法；仲多个鱼汤同豉油皇炒面。鱼汤我就觉得几浓鲜甜同几奶。而阿妈就话无咩特别je, 我都煲到啦！$88一窝，分到6碗。豉油皇炒面一上枱已吓一跳，炒都劲㶶！又炒得太干身，好似一滴油都无落过咁！好干好旱，好易哽亲。至于加工海鲜真系做得唔错。1. 椒盐鲍鱼同过街市档住，佢话如果椒盐就要用细d size ge, 于是买咗$120/ 斤𠮶只。好正，估唔到咁嘅煮法只鲍鱼都仲可以咁嫩，1 d都唔韧㖞！系好出色嘅一道海鲜！2. 豉椒炒大蛏子都炒得好够镬气！豉汁味不会太强，不会盖过蛏子的鲜味。蛏子肉质爽口，味道鲜甜可口。3. 白灼跳螺都唔知系咩螺，求其买黎试吓。唔好食，肉唔多，质地仲要滑潺潺。有点核突。味道也不特出，食东风螺好过！4. 砵酒筒蚝筒蚝新鲜，啖啖肉。好有海水的味道。砵酒煮法也做得好。外层脆浆唔会太厚，刚好包住只蚝。5. 焗奄
同样系去街市买海鲜，仲要咁啱又系𠮶档。
我地得三个人，唔可能食得太多。
买了鲍鱼、大蛏子、跳螺、奄仔蟹同筒蚝。
买料买了$370，加工后埋单$410。
去到六福，被安排坐三楼。
人不算多，都几舒适，不过个tv太细。
坐定后就立刻交带煮法；仲多个鱼汤同豉油皇炒面。
鱼汤
我就觉得几浓鲜甜同几奶。
而阿妈就话无咩特别je, 我都煲到啦！
$88一窝，分到6碗。
豉油皇炒面
一上枱已吓一跳，炒都劲㶶！
又炒得太干身，好似一滴油都无落过咁！
好干好旱，好易哽亲。
至于加工海鲜真系做得唔错。
1. 椒盐鲍鱼
同过街市档住，佢话如果椒盐就要用细d size ge, 于是买咗$120/ 斤𠮶只。
好正，估唔到咁嘅煮法只鲍鱼都仲可以咁嫩，1 d都唔韧㖞！
系好出色嘅一道海鲜！
2. 豉椒炒大蛏子
都炒得好够镬气！
豉汁味不会太强，不会盖过蛏子的鲜味。
蛏子肉质爽口，味道鲜甜可口。
3. 白灼跳螺
都唔知系咩螺，求其买黎试吓。
唔好食，肉唔多，质地仲要滑潺潺。有点核突。
味道也不特出，食东风螺好过！
4. 砵酒筒蚝
筒蚝新鲜，啖啖肉。
好有海水的味道。砵酒煮法也做得好。
外层脆浆唔会太厚，刚好包住只蚝。
5. 焗奄仔蟹
同我地平时喺市区街市买嘅奄仔蟹好唔同。
新鲜都不得了！好多肉又多膏。
肉质实净，又好鲜甜。
仲好有海水的味道！
真系好好食！
张贴
