南瀛水產

浜烧活鲍鱼基本上入嚟就一定食浜烧，鲍鱼真心正，郁紧嘅大鲍鱼。全程有职员帮你烧，开埋壳，我哋负责食就可以，加上清酒一齐烧，海水咸味令啲海鲜仲鲜味。蟹味噌甲罗烧🦀蟹膏、蟹肉、蟹子、鹌鹑蛋混合煮熟，啖啖浓烈蟹味。云丹蚧肉卷🍣蟹肉卷上高再加一片海胆。真系鲜上加鲜。软壳蟹沙律🥗想食少少菜以为好细碟，点知又喺大盘。软壳蟹就切开几份炸到脆卜卜。吞拿鱼蓉丼🐟都系要叫个饭先至够饱，呢个吞拿鱼丼，有赤身同拖罗蓉。两款都几食得出吞拿鱼嘅味道，绝对唔会Hea你。南瀛极上刺身丼🦐食得好啲就要叫呢款极上刺身丼，有海胆、带子、牡丹虾、拖罗片，拖罗蓉、三文鱼、油甘鱼等等非常之丰富。