影片
更多
2011-04-11
359 浏览
约埋两个friend，一行四人去屯门食海鲜，人少少，又想试多D款，自己买料都唔错，可以每样买少D，买多几种。本来想买一只鱿鱼，用嚟椒盐，不过太大只，四个人食唔晒，于是散叫一碟鱿鱼须。鱿鱼须炸得松脆，送酒一流！花竹虾爽口鲜甜，用豉油汁煎香，更惹味！蒸嘅火候到家，唔会过火太韧，又不失咬口。象拔蚌鲜甜爽口，内脏嘅味道更浓郁，不过唔系人人都啱口味。原来都好大碟，四个人夹极都仲有，抵食！炒蛏子亦好抵食，平日去大牌档食，只系炒蛏子壳，呢度冇呃秤，半碟壳，真系有返半碟肉。相比起扇贝就唔抵食，旧膶仲大过粒带子，唔抵！海龙王汤好味！买海鲜时叫老板执包海龙王汤，次次都系执D瞓觉嘢，鱼毛虾毛等，今次竟然捞咗条游水鱼，虽然唔系咩贵嘢，但已经正好多啦！已经好饱，谂住叫甜品，侍应跟手上埋碟蟹，系㖞！仲有奄仔蟹！不过蟹壳上有D油光，唔似净系揾盐去焗，一开蟹盖，蟹羔都算多，虽然唔太黄，不过都香！最后送甜品，红豆桂花糕麻麻地，红豆唔够腍，桂花太多太浓，有D似药水味。南瓜西米露就好正！南瓜够香，唔太甜，完满嘅终结！买料$1300，加工费$700，埋单$2000，每人$500，抵食！
人少少，又想试多D款，
自己买料都唔错，可以每样买少D，买多几种。
本来想买一只鱿鱼，用嚟椒盐，不过太大只，四个人食唔晒，于是散叫一碟鱿鱼须。鱿鱼须炸得松脆，送酒一流！
花竹虾爽口鲜甜，用豉油汁煎香，更惹味！
蒸嘅火候到家，唔会过火太韧，又不失咬口。
象拔蚌鲜甜爽口，内脏嘅味道更浓郁，不过唔系人人都啱口味。原来都好大碟，四个人夹极都仲有，抵食！
炒蛏子亦好抵食，平日去大牌档食，只系炒蛏子壳，呢度冇呃秤，半碟壳，真系有返半碟肉。
相比起扇贝就唔抵食，旧膶仲大过粒带子，唔抵！
海龙王汤好味！买海鲜时叫老板执包海龙王汤，次次都系执D瞓觉嘢，鱼毛虾毛等，今次竟然捞咗条游水鱼，虽然唔系咩贵嘢，但已经正好多啦！
已经好饱，谂住叫甜品，侍应跟手上埋碟蟹，系㖞！仲有奄仔蟹！
不过蟹壳上有D油光，唔似净系揾盐去焗，
一开蟹盖，蟹羔都算多，虽然唔太黄，不过都香！
最后送甜品，红豆桂花糕麻麻地，红豆唔够腍，桂花太多太浓，有D似药水味。南瓜西米露就好正！南瓜够香，唔太甜，完满嘅终结！
买料$1300，加工费$700，埋单$2000，每人$500，抵食！
张贴
