濠客蒸氣海鮮 (已結業)

同妹放工入元朗食蒸海鲜。这间在元朗的蒸海鲜，多是套餐,而且有专人替你蒸海鲜唔想动手嘅我，简直就是一流今次叫左个黄金套餐$288，其实最先想食$198套餐，每人份都有半只蟹同龙虾。但最后两人都一致决定想各自食一只奄仔蟹、同食鲍鱼，所以就叫黄金套餐啦！蒸海鲜除左要个炉，当然就要食材新鲜，海鲜送上枱时真是刚刚㓥好，极新鲜呀。首先蒸奄仔蟹🦀好多膏呀！肉质实净而鲜甜，爆哂膏，好在最后决定一人食一只，因为半只唔够爽。蒸龙虾🦞，每人有半只，龙虾都几大只，因为新鲜，龙虾肉好爽，龙虾头坚多膏。鲍鱼呀！仲有其他贝类、虾，所有海鲜都已经处理哂内臓，可以一蒸就食得，爽！仲有蒸蔬菜，冬瓜、南瓜🎃、津白、粟米，我就钟意点豉油食，阿妹就唔加豉油，咁先食到个鲜同甜。最后当然要食蒸海鲜嘅精华，南瓜粥，加上菜甫干，十分満足。最后仲有生果。每个套餐都有一罐饮品。＊建议最好订位，真的愈来愈多人，好在有阿妹订左位先。