影片
更多
2013-12-24
1026 浏览
都唔知点解未够六点半, 食寿司果度已经要等位, 仲要等成十几张, 望落个个都好似坐低食冇耐, 所以都系唔等, 转去另一间食, 而唯一仲有位的就系呢度............. 片皮鸭虽然得两个人, 但见佢有得选择半只, 于是就叫半只试下.............开头仲估佢会净系片皮, 会片少D肉, 因为D肉可以留番做其他𩠌, 但比我预期中多好多肉, 不过只鸭就肥咗少少, 我要刮走D肥膏先包层粉皮食, 咁样就好正, 因为佢个皮都好脆, 而刮走咗层肥膏, 食落冇咁油腻, 可以食多几块, 不过呢度D冷气实在太劲, D粉皮好快吹到又干又冻, 变咗冷盘咁.......... 椒盐南非大鲍鱼呢个成七十几蚊, 以为真系好大只, 点知..............好似只羮咁大, 不过又几好食, 第一次食椒盐鲍鱼, 佢仲比埋刀叉你剧, 感觉好得意, 最意想不到就系佢个鲍鱼壳洗得好干净, 用嚟装番只鲍鱼, 个底仲有D炸米粉tim~~ 我估个鲍鱼系先蒸熟, 然后沾少少粉去炸, 再用椒盐埋镬, 但d肉一d都唔un, 仲好爽口弹牙~ 乳鸽呢个系叫鲍鱼+$1配的, 乳鸽反而唔系咁肥, 瘦瘦地, 不过就
片皮鸭
虽然得两个人, 但见佢有得选择半只, 于是就叫半只试下.............开头仲估佢会净系片皮, 会片少D肉, 因为D肉可以留番做其他𩠌, 但比我预期中多好多肉, 不过只鸭就肥咗少少, 我要刮走D肥膏先包层粉皮食, 咁样就好正, 因为佢个皮都好脆, 而刮走咗层肥膏, 食落冇咁油腻, 可以食多几块, 不过呢度D冷气实在太劲, D粉皮好快吹到又干又冻, 变咗冷盘咁.......... 椒盐南非大鲍鱼
呢个成七十几蚊, 以为真系好大只, 点知..............好似只羮咁大, 不过又几好食, 第一次食椒盐鲍鱼, 佢仲比埋刀叉你剧, 感觉好得意, 最意想不到就系佢个鲍鱼壳洗得好干净, 用嚟装番只鲍鱼, 个底仲有D炸米粉tim~~ 我估个鲍鱼系先蒸熟, 然后沾少少粉去炸, 再用椒盐埋镬, 但d肉一d都唔un, 仲好爽口弹牙~ 乳鸽
呢个系叫鲍鱼+$1配的, 乳鸽反而唔系咁肥, 瘦瘦地, 不过就烧过咗少少火位, 边位干咗少少, 但$1真系好抵............笼仔蒸龙趸
老公话上次见隔离枱食好似好好食咁, 所以今次都要叫嚟试试, 果然一打开个笼盖, 好香果皮味, 一d鱼腥味都冇, 仲有d蒜茸同葱的香味, 不过就一定要趁热食, 咁会好食好多, 同埋冇咁油腻, 但呢笼嘢实在太大, 食唔哂lor~~红豆沙
问亚姐今期有乜糖水, 佢话红豆沙, 我再问净系红豆沙咋, 佢又答红豆沙, 都废事再同佢讲, 等佢拎红豆沙嚟lor~~ 虽然系送的, 但煲到好沙好杰身, 又唔会太甜, 好正~
题外话/补充资料：
原本佢有部份枱系set好咗打边炉, 但最后冇想像中咁多人食, 唯有即刻铺番枱布, 做番小菜枱, 但d伙计可能太赶或者太大意, 竟然唔记得拔电磁炉的插稣, 响上菜时唔觉意high着咗个炉, 搞到辣穿咗张枱布, 果枱男人即刻叫经理嚟, 但个经理竟然好淡定咁话 "小意思啫, 你拔咗个插稣咪得lor~", 哗..............大佬, 呢d唔系小意思, 随时着火架~ 不过可能唔第一次挂? 所以都麻木哂~
(以上食记乃用户个人意见 , 并不代表OpenRice之观点。)
张贴
