影片
更多
2018-12-26
335 浏览
系西贡行左成日攰到爆炸，决定黎食餐丰富海鲜🦞，附近都有几多间海鲜店，兜兜转转左两个圈都唔知食边间好。最后就近近地，去左价钱相对较平既金辉海鲜菜馆，嗌左二人套餐，一人$228/位。唔够5分钟已经上咗个海胆炒饭，我完全o左嘴，个先后次序错晒，其实我会prefer先上海鲜先🤦🏻♀。而且个摆碟劲颓，咁大只碟得少少饭，感觉好求其好肉酸。白饭粒粒分明，味道方面就不过不失，海胆味好薄弱，同普通炒饭冇乜分别。第二样上嘅系龙虾芝士伊面，个芝士伊面完全唔合格😭个芝士水汪汪，唔够浓稠，味道淡如水，色香味乜都冇。第三样上既系油菜，个摆碟真系好是但，感觉好似食紧茶记快餐，但味道却远远比唔上茶记。-之后终于轮到海鲜🥰海鲜终于似啲样！首先上菜嘅系鲍鱼，口感爽口弹牙，本身味道都比较偏咸，所以唔需要蘸豉油都已经好入味。因为我朋友唔食赖尿虾，餐厅亦都好好咁我哋改咗做蒜蓉瑶柱！咁大个女其实都未食过新鲜嘅瑶柱，平时见到嘅都系瑶柱干，今次有机会当然要试下😋蒜蓉同粉丝份量都几多，瑶柱比元贝更加鲜甜。最后系清蒸海上鲜，鱼肉滑嫩，酱汁提升咗鱼嘅鲜味，令人回味无穷。可惜我哋一早已经食完饭同伊面，最后唯有斋食鱼。个人觉得海鲜够新鲜，都
系西贡行左成日攰到爆炸，决定黎食餐丰富海鲜🦞，附近都有几多间海鲜店，兜兜转转左两个圈都唔知食边间好。最后就近近地，去左价钱相对较平既金辉海鲜菜馆，嗌左二人套餐，一人$228/位。
唔够5分钟已经上咗个海胆炒饭，我完全o左嘴，个先后次序错晒，其实我会prefer先上海鲜先🤦🏻♀。而且个摆碟劲颓，咁大只碟得少少饭，感觉好求其好肉酸。白饭粒粒分明，味道方面就不过不失，海胆味好薄弱，同普通炒饭冇乜分别。
第二样上嘅系龙虾芝士伊面，个芝士伊面完全唔合格😭个芝士水汪汪，唔够浓稠，味道淡如水，色香味乜都冇。
第三样上既系油菜，个摆碟真系好是但，感觉好似食紧茶记快餐，但味道却远远比唔上茶记。
-
之后终于轮到海鲜🥰海鲜终于似啲样！
首先上菜嘅系鲍鱼，口感爽口弹牙，本身味道都比较偏咸，所以唔需要蘸豉油都已经好入味。
因为我朋友唔食赖尿虾，餐厅亦都好好咁我哋改咗做蒜蓉瑶柱！咁大个女其实都未食过新鲜嘅瑶柱，平时见到嘅都系瑶柱干，今次有机会当然要试下😋蒜蓉同粉丝份量都几多，瑶柱比元贝更加鲜甜。
最后系清蒸海上鲜，鱼肉滑嫩，酱汁提升咗鱼嘅鲜味，令人回味无穷。可惜我哋一早已经食完饭同伊面，最后唯有斋食鱼。
个人觉得海鲜够新鲜，都几满意，但其他熟食，尤其系个芝士伊面，有好大好大嘅进步空间😫
张贴
