影片
更多
2015-12-19
3241 浏览
约朋友食饭，大家都想试海鲜塔，于是上网揾，见到呢间，就订位嚟食。原来佢唔系韩国餐厅，而系海鲜餐厅，海鲜一律清蒸（塔）或做刺身，仲有少量系打边炉嘅。佢嘅卖点，就当然喺海鲜嘅质素，包括新鲜度。店员好落力介绍海鲜，会叫我地出鱼缸到睇。我觉得睇住实物咁order系几好嘅～最后点左10寸濑尿虾、细扇贝、澳洲海中虾、大尾鱿鱼、水晶蟹，同埋八爪鱼同北寄贝刺身；海鲜塔最底锅汤，就点左韩式豆腐汤。逐样讲⋯⋯由于店入面好光猛，刺身都摆得好靓，令平时唔中意相机食先嘅我都影左少量相。八爪鱼刺身系OK嘅，切得好大片，不过仲未融晒雪，扣少少分。今次系第一次食活北寄贝刺身（平时食红白色嘅系熟架），出乎意料地好食！灰色位置chewy有鲜味，白色位置好甜，好似入口溶化咁，极度推介！跟住就到主角：海鲜塔。上枱嘅时候系好兴奋嘅，每款海鲜一层，只蟹太大只分左两层，所以我地都有成六层！XD 第一层系鱿鱼，我觉得普普通通啦⋯⋯同埋朋友坚持呢只一定唔系大尾鱿。但睇价钱（$48），是但啦。澳洲海中虾，好多只，老老实实，都系普普通通啦，系新鲜弹牙嘅但好似平时都食到。扇贝就正喇，真原只（半壳）扇贝，鲜甜。我记得，食完系有幸福感嘅。10寸
原来佢唔系韩国餐厅，而系海鲜餐厅，海鲜一律清蒸（塔）或做刺身，仲有少量系打边炉嘅。佢嘅卖点，就当然喺海鲜嘅质素，包括新鲜度。
店员好落力介绍海鲜，会叫我地出鱼缸到睇。我觉得睇住实物咁order系几好嘅～
最后点左10寸濑尿虾、细扇贝、澳洲海中虾、大尾鱿鱼、水晶蟹，同埋八爪鱼同北寄贝刺身；海鲜塔最底锅汤，就点左韩式豆腐汤。
逐样讲⋯⋯由于店入面好光猛，刺身都摆得好靓，令平时唔中意相机食先嘅我都影左少量相。八爪鱼刺身系OK嘅，切得好大片，不过仲未融晒雪，扣少少分。今次系第一次食活北寄贝刺身（平时食红白色嘅系熟架），出乎意料地好食！灰色位置chewy有鲜味，白色位置好甜，好似入口溶化咁，极度推介！
八爪鱼刺身
103 浏览
0 赞好
0 留言
活北寄贝刺身
87 浏览
0 赞好
0 留言
第一层系鱿鱼，我觉得普普通通啦⋯⋯同埋朋友坚持呢只一定唔系大尾鱿。但睇价钱（$48），是但啦。
｢大尾鱿鱼」
$48
124 浏览
0 赞好
0 留言
澳洲海中虾
$148
100 浏览
0 赞好
0 留言
10寸濑尿虾都系坚料，我地3个人share，我食尾，哗，肉上面一层膏，肉甜膏鲜，我连D软脚仔都食埋XD
但问题嚟喇。你见我篇食评，形容词嚟嚟去去都系「甜」同「鲜」，正正就系呢餐最大嘅问题：样样都差唔多味，食到呢到已经滞左！但系仲有$688嘅水晶蟹啊！！！！！佢喺最底一层！！！我地一人夹左旧，食，最后都系投降，实在唔想喺冇晒胃口嘅状态下硬哽左佢，只好打包。其实我地有问过店员有冇酱料可以点，但佢地话想大家食到海鲜本身嘅味道，所以系冇酱料嘅，除左点刺身嘅豉油。咁我都佩服佢地呢点嘅！应该要对自家食材好有信心先会咁做。不过个客观结果就系食到某个份量之后就食唔落T_T
煲汤嚟讲，系几正嘅。韩式豆腐汤，有泡菜、芽菜、金菇、豆腐等，辣辣地，似喺韩国饮到嘅大酱汤，系好味嘅～配饭一流。但系可能因为个汤本身浓味，饮唔到特别嘅「每层海鲜蒸出嚟嘅精华滴晒落去」嘅味道。
补充返只好贵嘅蟹嘅下落：第二晚晚餐，拆晒D肉出嚟蒸返热食。一路拆都一路忍唔住食，因为真系好鲜甜（又嚟！）。但系，即使喺好肚饿嘅情况下，我都系食唔晒只蟹⋯⋯食到临尾都系觉滞。原因系⋯⋯只蟹真系好似怪兽咁大只！而且每一分每一寸都系肉！如果要试，真系揾多D人去食先至好叫。（我谂至少5个，因为蟹身一开四，仲有肉脚同2只巨大蟹钳。）
我建议去食的话，一定要记住少食多滋味，宁愿叫少D海鲜，普通嘢就唔好叫（例如鱿鱼同虾；八爪鱼刺身都普通～），最后个汤可以配饭，好似食韩式汤锅咁，同埋打边炉，好处系味道会比较多样，冇咁单一，应该会更加enjoyable。水晶蟹我觉得⋯⋯⋯⋯⋯⋯可以唔叫。不过食海鲜塔，打开见到只蟹系几开心嘅～其实可以一路食，唔够先追加添啊（当然预D时间啦～）
最后一点，就系咁多层，食得有D压力，因为一路会惊下面D海鲜蒸到老左！我地D虾就真系老喇。唔知可以点改善。
题外话/补充资料：
服务几好，订位之后店员会whatsapp地图、点行等等指示俾你，我搭地铁喺坚尼地城落，跟住指引行好快就到～同埋店员好cheerful，好有活力。
用东亚卡，有D海鲜有平，同埋送一支韩国米酒，详情打去问店员啦～
(以上食记乃用户个人意见 , 并不代表OpenRice之观点。)
张贴
