影片
更多
2017-05-30
6911 浏览
大半年前，到访过尖沙咀嘅「浜焼き」，首尝即烧新鲜海鲜，因为实在鲜味，至今都仲记忆犹新，但消费唔便宜。早前晌FB见到有家日式放题店，推出「海鲜浜烧 x 日式放题」，但比单食放题只喺贵多$50，$268+10%一位，超吸引。食放题人多好，所以，拉埋夏总同佢老婆，美孚街坊4人行，大叹海鲜及放题。嚟到门面唔大，入到去都以为唔大，但屈个弯原来里面好大，个场好长好深。因为我哋拣浜烧，所以，比净食放题会安排大张少少嘅枱放浜烧炉。专登拣星期一晚嚟，因为「蓝色星期一」啲人无咁有心情出街食嘢，搏无咁多人，一人多啲放题就易漏单、出菜慢、招呼又可能无咁好。顺便扫描佢哋啲单张俾大家参考，浜烧又好，斋食放题又好，咩日子，咩价钱，一目了然。不过少少温提，打算食海鲜浜烧嘅话，喺需要预早至少一日前订座及讲明食浜烧，否则海鲜货源无保证。浜烧又好，放题又好，边度即点就有我食架。佢哋好似时下唔少放题店咁，外面有自取食物专柜，就晌入门口附近有冻海鲜、沙律、冷盘小食、少少热食及甜品。饮品方面，都喺当然自取啦，不过，有惊喜㖞，除多组汽水柜提供多款外国及本地嘢饮外，仲有几款热饮，如柚子茶、桂花茶，而所讲嘅惊喜位喺有清酒、梅酒任饮。虫
嚟到门面唔大，入到去都以为唔大，但屈个弯原来里面好大，个场好长好深。因为我哋拣浜烧，所以，比净食放题会安排大张少少嘅枱放浜烧炉。
专登拣星期一晚嚟，因为「蓝色星期一」啲人无咁有心情出街食嘢，搏无咁多人，一人多啲放题就易漏单、出菜慢、招呼又可能无咁好。顺便扫描佢哋啲单张俾大家参考，浜烧又好，斋食放题又好，咩日子，咩价钱，一目了然。不过少少温提，打算食海鲜浜烧嘅话，喺需要预早至少一日前订座及讲明食浜烧，否则海鲜货源无保证。
浜烧又好，放题又好，边度即点就有我食架。佢哋好似时下唔少放题店咁，外面有自取食物专柜，就晌入门口附近有冻海鲜、沙律、冷盘小食、少少热食及甜品。
饮品方面，都喺当然自取啦，不过，有惊喜㖞，除多组汽水柜提供多款外国及本地嘢饮外，仲有几款热饮，如柚子茶、桂花茶，而所讲嘅惊喜位喺有清酒、梅酒任饮。
虫草花粟米炖排骨
我哋攞紧嘢饮时，但老婆就先嚟一碗炖汤，真喺估唔到放题都有炖汤饮，啲汤算几足料，又几清甜。
一如所有放题，点菜纸分门别类放晌枱面，以小型档案簿钉住啲点菜纸。不过，晌铺面放置咗超大版本点菜纸，可以一次过睇晒有咩食，如果喺等位期间，不防睇睇谂定拣乜。
刺身、寿司、火炙寿司、卷物就算浜烧开晒炉，烧紧海鲜，都有段时间要等，所以，我哋第一时间先点一份刺身拼盘摄时间。由于个放题加插埋浜烧，店长又推介佢哋嘅海鲜粥，所以，寿司、卷物就成为被放弃嘅对象，其实望番有咩选择，部份款式都几吸引。
刺身拼盘刺身有中拖罗、三文鱼、赤贝、油甘鱼、希灵鱼、北海道带子、北寄贝、剑鱼腩、甜虾及北海道角螺及象拔蚌，毫无悬念一次过点晒。虽然点4人份，但发觉份量有多无少。装成一大盆摆得靓靓仔仔，睇落啲刺身色泽新鲜，试完觉得款款唔错，味道鲜甜，鲜甜嘅就鲜甜，油润嘅就油润，烟韧嘅就烟韧，又无话未解好冻仲有冰雪感，放题店俾到咁嘅货色，算好有水准。
刺身拼盘
48 浏览
1 赞好
0 留言
食完啲刺身，啱啱好啲海鲜都有得食，而初时捧盆海鲜出嚟，非常有睇头，为怕客人唔识烧而嘥晒啲海鲜，所以有专人服侍帮你烧，而且，个店长一人同时睇三五张枱嘅浜烧，同样应付自如，烧出嚟嘅海鲜恰到好处，点可以唔逐样海鲜写呀。浜烧环节都用几长时间，所以，慢慢点放题嘢食作间场，就成晚可以不停食食食。
海鲜浜烧
39 浏览
0 赞好
0 留言
虽然唔似上次食高档浜烧咁食南非活鲍鱼，但今次啲鲍鱼一啲都唔差，店长原只烧，之后去壳再烧，烧得带焦香。只喺洒咗少少盐吊吊味，啲鲍鱼入口烟韧且有弹性，鲍鱼味突出，好食。
鲍鱼
36 浏览
0 赞好
0 留言
大蚬晌烧鲍鱼嘅同时，炉旁已烧紧大蚬肉，店长解释要将大蚬拆肉放入锡纸兜嚟烧，喺因为蚬壳薄，好易爆裂弹到客人。啲蚬肉之后加入埋蒜蓉、辣椒及葱花，所以，好惹味，但又嗒到蚬肉嘅鲜甜，有咬口得嚟唔会韧到好似擦纸胶咁。
大蚬
47 浏览
0 赞好
0 留言
帆立贝就算唔喺北海道货色，睇样都觉得具质素，啲帆立贝同样加入少少蒜蓉、辣椒及葱花一齐烧，再洒少少清鸡汤，带子食落弹牙，爽甜。
帆立贝
40 浏览
0 赞好
0 留言
大虎虾虎虾体形大就知唔喺普通货色，亦无咩下调味净烧，所以，食之前沾丁点豉油，虾鲜味自然尽出，虾肉又够晒爽口。
大虎虾
39 浏览
0 赞好
0 留言
生蚝烧蚝跟大蚬做法一样，都喺拆壳放晌锡纸兜内烧，不过，小弟就觉得无咁嘅需要，好似帆立贝咁原只烧仲好，更有睇头。烧完嘅蚝无乜点缩水，放咗些少蒜蓉提味，蚝肉饱满蚝味浓，又有海水嘅咸鲜味。
食完以上5款海鲜仲以为浜烧环节完，店长随后提我哋仲有任食浜烧项目，不过，就唔喺净喺海鲜嘢，仲有啲蔬果菜类。因为期间我哋都点咗唔少放题食物，所以，第二转「浜烧」点少少海鲜，其他就以蔬菜为主。
而依一转可以自己玩吓，因为都唔喺咩难度嘢，但店长特别提一提，如果烧蔬菜可以搽啲清鸡汤或鲍鱼汁，出嚟嘅效果无咁干又会香啲。
沙律、小食、烧物沙律、小食类就无拣到，其实款式都唔喺啲大路普通嘢，例如黑松露鲜虾沙律，都够晒诚意啦。而烧物，共有6款，最吸引当然喺我同夏总都钟意嘅羊鞍啦，如果晌任食浜烧度无拣有机蕃薯仔及有机菠萝，大可晌度剔番，唔使自己烧就有得食。
大虾沙律虽然无晌点菜纸剔选任何沙律，但晌入门口嘅自助餐枱，就贪得意拎咗杯大虾沙律，简简单单，啲大虾又爽口，算唔错啦！
烧纽西兰羊鞍老婆少食红肉，就点咗3客试试，羊鞍烧得焦香，加咗黑椒，又有点点羊膻香，够晒惹味，而且，口感软腍又极富肉汁，正㖞。
烧纽西兰羊鞍
34 浏览
1 赞好
0 留言
呢几类食物都好精彩，串烧有4款，不过，纯个人喜好，只点牛舌，浜烧都食咗咁正嘅虎虾啦，就无谓再点类同嘅盐烧海虾。而火锅、主食类本身无打算点，因为喺太易饱肚嘢，但店长极力推介佢哋嘅海鲜粥（依个连点纸菜都无，喺是日特别推介），难得我哋4个人，就点咗锅嚟试。
盐烧牛舌同样牛舌无预我老婆，佢对牛舌麻麻，我就钟情佢朕独有嘅牛舌臊味。啲牛舌烧得甘香，简单盐同黑椒调味，唧少少柠汁，加上口感烟韧，好食。
海鲜粥份量都唔少㖞，真喺够晒我哋4个人食有余，粥底唔喺我哋广东粥底嘅绵，喺日式有米粒嘅粥底，但入口约鲜甜，里面有唔少料，濑尿虾仔、鲜虾、大蚬、冬菇，我哋仲加只温泉蛋落去添，整锅粥都真喺唔错。
海鲜粥
23 浏览
1 赞好
0 留言
天妇罗、炸物讲到香口嘢，有边个唔钟意吖，所以，依两大类都点得比较多啲。天妇罗共有5款选择，都喺常见款式，而烧物则有6款，部份几特别。
松叶蟹棒、蕃薯、南瓜天妇罗整体而言，天妇罗做得不俗，全部入口都唔觉油，粉浆够薄又超脆口。当中以蕃薯最好食，够粉够香甜。
松叶蟹棒、蕃薯、南瓜天妇罗
22 浏览
1 赞好
0 留言
6款炸物以榴梿炸弹喺我最想试，外层喺炸年糕，香脆烟韧，内里嘅榴梿蓉无欺场，填满之外，好重榴梿味，叫人食得过瘾；而芝士年糕喺老婆心水，当然我都钟意食，年糕烟糯，配上软绵绵香浓嘅芝士，正呀。
御品榴梿炸弹、芝士年糕
27 浏览
1 赞好
0 留言
铁板烧依个类别又喺有好多选择，不过，写到呢度，你见我哋确实食咗唔少嘢，都仲要预留肚仔试试甜品，所以，铁板烧都唔会点得太多。
铁板牛柳粒小弟同夏总都喺食肉兽，牛柳粒都喺为我哋而设，啲牛柳粒好软腍，入口好有肉味，又有蒜香。
铁板炒杂菌、牛油炒粟米素菜嘢，都喺老婆要求点嘅，但大家都啱食，志在有多啲纤维落肚，不过，啲炒杂菌同粟米又确喺炒得几香口。
去到尾声，喺甜品时段，晌入门口嘅自助餐枱已放有雪耳木瓜糖水、马卡龙及朱古力喷泉。
再入少少，仲有成柜小甜点，如芝士蛋糕、芒果布甸、朱古力慕丝……等等8、9款。
另一边，仲有自助棉花糖机及爆谷机，真喺有得食，又有得玩。
甜品拼盘
先一口气拎咗8款返嚟一齐共享，款款的的骰骰，每款试少少，就算8款都好易KO到。质素？就唔讲得高架啦，但比预期中好，例如啲芝士蛋糕浓香软滑，牛乳布甸滑溜奶味浓，志在过吓甜品瘾绝无问题。
除一大堆自助甜品，仲每位客人奉送一杯Movenpick或Haagen Dazs雪糕一杯，有多种口味选择。
Haageb Dazs焦糖雪糕各人都拣咗自己心水，小弟嘅心水喺焦糖口味，雪糕入口软滑，焦糖味好香浓，里面仲混有唔少焦糖饼干粒，有少少类似「金宝」咁，脆口得嚟更添口感，认真好食，品牌嘢始终有一定实力。
Movenpick或Haagen Dazs雪糕
48 浏览
1 赞好
0 留言
去浜烧专门店食一餐，消费确喺几高，但依家闲日价连埋加一，三旧水都唔使可以落楼，真喺好划算。而放题部份又唔少选择，水准不赖，上菜、收碟又快手，店员都勤快有礼，喺漏咗一次单，但唔记得喺唔喺我哋无写枱号，但同店员讲声，好快帮手补番单，所以，服务都好满意。
张贴
