流落民間 (已結業)

4个人叫左个大既海鲜拼盘，一上枱大家都好惊喜，有龙虾，面包蟹，长脚蟹，螺啦虾啦车厘蚬，唔知有无数漏，倾开计原来个厨之前系铜锣湾le marron主厨架，唔怪得个seafood mountain咁似曾相识啦，好正好新鲜好甜，d虾仲系西贡入货包新鲜，呢个必食。佢有手工啤卖仲可以byob都系30蚊，西贡市区呢点已经好吸引。我叫左个青瓜荔枝mocktail, 俾我食晒d青瓜肉，佢系中碎左d青瓜，食落卜卜脆唔停口。再来叫左法国手工菜油浸鸭，用鸭油浸足几日再煎，皮够脆肉质估唔到咁松化唔油腻㖞。仲叫左牛扒啦，五成熟好juicy好味。甜品最爱apple crumble,好香牛油味唔太甜，仲有creme brulee，个焦糖面用匙一敲落去果下好清脆，仲见到粒粒云呢嗱籽真材实料。朋友叫左个香蕉卷，我唔食香蕉唔知咩味，不过朋友就清左碟。食物质素高食材新鲜，服务抵赞细心，不停换碟，食甜品果阵仲俾杯冻水你，会再去帮衬。