I Leisure (已結業)

钟意食海鲜又钟意重口味，呢间主打食 shake shake 海鲜既「I LEISURE 」就岩哂我，店舖装修亦都别俱心思，每枱好似个雀笼咁罩住，坐落似卡位，但比卡位开扬。而且灯光调较得比较暗同播住音乐，，除左食饭之外，仲系个摸酒杯底既好地方Platter B（＄558）五种海鲜shake shake袋，店员会将你拣既海鲜加埋可自己选择辣度既秘制既泰式酱汁装埋系个袋度，拎到你面前再帮你shake晕佢。一打开个袋就闻到好吸引既蒜香味。今次我食左扇贝、大虾、青口、大蚬同鲍鱼5种海鲜，另外仲会有粟米同香肠等等既配料，酱汁虽然辣辣地，但完全冇遮掩到海鲜既鲜甜，2者味道好夹火焰鸡翼($98)打卡必点,店员会即场将玫瑰露酒点火,再倒落已经煮好既鸡翼度，随住火光熄灭计代表已经食得,鸡翼入口有酒香味，而且经过轻轻一烧令酱汁焦糖化，仲食到淡淡既焦香味，味道甜甜地,好开胃龙虾包($238)餐厅非常揼本用原只波士顿龙虾拆肉,龙虾肉爽口弹牙而且好鲜甜,面包亦都好细心咁预先烘热左,每一口都啖啖龙虾肉,非法满足,而薯条亦都系即叫即炸,外脆内软而且热焫焫,份量都唔少,净系食佢都够饱