影片
更多
2019-07-06
56 浏览
我本身就系一个海鲜控 平时都钟意买海鲜返屋企整 但系正直而家系休渔期 买海鲜实在太贵喇 不如出街食 来得更化算 好彩一早订咗位 店舖细细 晚饭时间已经有爆满 满座嘅情况出现见到每一台食客都食得好开心 每张台旁边都放咗高高嘅蒸架 入面嘅海鲜全部都好新鲜 未食已经流晒口水套餐每人包咗一盅炖汤 9款清蒸海鲜 1款蒸蔬菜及糖水一客 相当丰富 最后系食唔晒嘅 唔系因为唔好食 而系饱到食唔落虫草花炖汤 饮得出完全冇落味精 汤够清又不油腻 饮完觉得个喉咙好舒服蒜蓉粉丝蒸开边龙虾 粉丝吸收咗蒜蓉同埋龙虾汁嘅鲜味 唔需要任何调味料已经好够味 龙虾肉扎实而且弹牙 仲有好重海水味添清蒸海虾 味道非常鲜甜 原汁原味 虾肉弹牙爽口 虾头位置仲有虾膏添果皮蒸鲍鱼 餐厅已经清理好鲍鱼嘅内藏 一啖放入口 𠮶种厚厚嘅肉质 弹弹的口感 实在令我回味无穷豉汁蒸白鳝及清蒸龙趸 白鳝肥 肉质又滑 加埋豉汁一齐蒸 非常惹味龙趸片啖啖肉 超钟意食𠮶块鱼皮 好重胶质 重点系唔腥蒜蓉粉丝蒸扇贝 扇贝肉又大又厚 味道非常鲜甜 肉质嫩滑蚬肉冇沙肥美 一咬落去有爆汁嘅效果清蒸蛏子皇 中间条肉有筷子咁长 餐厅控制蒸嘅时间啱啱好 完全冇过火 食
好彩一早订咗位 店舖细细 晚饭时间已经有爆满 满座嘅情况出现
见到每一台食客都食得好开心 每张台旁边都放咗高高嘅蒸架 入面嘅海鲜全部都好新鲜 未食已经流晒口水
套餐每人包咗一盅炖汤 9款清蒸海鲜 1款蒸蔬菜及糖水一客 相当丰富 最后系食唔晒嘅 唔系因为唔好食 而系饱到食唔落
虫草花炖汤 饮得出完全冇落味精 汤够清又不油腻 饮完觉得个喉咙好舒服
蒜蓉粉丝蒸开边龙虾 粉丝吸收咗蒜蓉同埋龙虾汁嘅鲜味 唔需要任何调味料已经好够味 龙虾肉扎实而且弹牙 仲有好重海水味添
清蒸海虾 味道非常鲜甜 原汁原味 虾肉弹牙爽口 虾头位置仲有虾膏添
果皮蒸鲍鱼 餐厅已经清理好鲍鱼嘅内藏 一啖放入口 𠮶种厚厚嘅肉质 弹弹的口感 实在令我回味无穷
豉汁蒸白鳝及清蒸龙趸 白鳝肥 肉质又滑 加埋豉汁一齐蒸 非常惹味
龙趸片啖啖肉 超钟意食𠮶块鱼皮 好重胶质 重点系唔腥
蒜蓉粉丝蒸扇贝 扇贝肉又大又厚 味道非常鲜甜 肉质嫩滑
蚬肉冇沙肥美 一咬落去有爆汁嘅效果
清蒸蛏子皇 中间条肉有筷子咁长 餐厅控制蒸嘅时间啱啱好 完全冇过火 食落一啲都唔嚡口
荷叶蒸蟹饭 蟹嘅汁比饭所吸收 每啖饭都有蟹嘅鲜味 重点系只蟹非常新鲜 超好肉
蟹壳嘅膏多到满泻 非常邪恶
张贴
