六十六十火鍋 (已結業)

好想打边炉呀！老公成日都嫌天气热唔肯同我打边炉，呢排落雨凉返啲，佢终于陪我去想食好耐嘅六十六十。见到张菜单，以为每行拣几样，点知同一行可以圈晒咁滞！十几样火锅料，仲要有海鲜，真系超丰富，注意三高人士真系要小心啲呀XD椰子鸡煲入面有马蹄、竹笙、椰子肉，滚水后落鸡浸7分钟，鸡肉又甜又嫩滑！而海鲜方面，竟然有我挚爱嘅多宝鱼，用黎打边炉真系劲滑啰！贝量份量又足，成大桶花甲，食完一只又一只，好满足呀～～～蔬菜方面又有我超钟意嘅莴笋同淮山，真系好兴𡚒！