Mana Thai Kitchen (已結業)

好耐无食泰国菜啦！今日去左湾仔既Mana Thai Kitchen，装潢以木系为主，灯光非常充足。- 牛肉船面汤底呈深啡色，味道偏向冬阴功，但一啲都唔辣🤔。食材方面非常丰富，除左牛肉之外仲有牛丸、炸猪皮同牛腩。金边粉爽滑吸汁，另外仲有大量芽菜，金边粉一样好索汁。- 海鲜炒河河粉比起平时茶餐厅食开既河粉好唔同，口感非常烟韧，而且炒得几干身，唔会话太油腻。海鲜以虾同鱿鱼为主，加上旁边嘅辣椒粉，整体味道非常惹味。- 泰式烤猪颈肉呢个猪颈肉真系世界级好味😋，份量都不在话下，猪颈肉爽口焦香，肥瘦比例均匀，肉汁丰富。- 芒果沙冰夏天饮沙冰一流👍🏻，不过饮落完全唔甜同无咩芒果味🤣泰式烤猪颈肉同海鲜炒河令我最深刻，下次再嚟一定会叫返呢两款！