緣味小聚 (金百利廣場) (已結業)

上星期收工之后约咗朋友喺铜锣湾食嘢，我哋一早上网揾咗呢一间食海鲜蒸气火锅嘅餐厅: 缘味小聚。今次我哋叫佢呢个set就系厚肉龙虾海鲜蒸气锅，可以任食足150分钟慢慢叹。厚肉龙虾龙虾有半只，橙色鲜艳颜色卖相当之唔错，龙虾都好厚肉，肉质结实，带有点龙虾鲜甜味道。除此之外，仲有多款新鲜海鲜，分别系韩国大鲍鱼、法国精选生蚝、扎扎跳海生虾等等，真系非常之丰富。蔬菜蔬菜选择都好多元化，同埋蔬菜都系好新鲜，自己就加下粟米、红萝卜😋更加清甜。打边炉配料各式各样打边炉，配料都有提供，自己就最钟意加啲丸，无论系芝士丸、牛肉丸、墨鱼丸、海胆丸等等都有提供，入面流心嘅丸我就最推介啦。肉类肉类方面都会提供牛肉同埋猪肉，两款都系品质保证，有黑毛猪、和牛同埋肥牛，实有款啱你。