影片
更多
2016-03-21
1136 浏览
行k11呢层，行到尽头原来有间atum系度，都收得几埋，如果唔系走黎呢边睇衫都唔会发现佢！不过隐蔽得黎入面几光猛，同埋都几阔落，虽然唔系坐到好多人，但唔会坐到好逼，个感觉都几舒服。 呢个草莓爆谷茶好香果味，饮落酸酸地，唔会好甜，但有d天然既草莓甜。要记得上枱之前后等到个漏斗d沙漏完先开始饮！ 餐包黎先。 甜品拼盘就见识过，海鲜就系第一次见人咁样摆，入面乜都齐，海胆、生蚝、蛏子、象拔蚘、三文鱼、带子、蟹肉、鹅肝都有，可以话系一次过满足晒你咁多个愿望！三文鱼变左红色，师傅话系加左红菜头汁去腌，不过食落就唔会有咩红菜头味。海胆份量几够，不过味道就淡d，海水味唔重。其实成个盘，除左d盐系用黎装饰既之外，其他野都可以食，当然盐都食得，不过就唔系就咁直接食既！生蚝系另一样正野，好新鲜，上面加左d jelly同珠珠，好似加左果汁一齐食咁，几特别既食法！其余既海鲜都好新鲜，仲可以配埋佢黑色一块块果d墨汁片黎食，好鬼脆～ 呢碟意粉几大份，下面藏左好多意粉，个酱令到d意粉又爽口又香！只虾都成只碟咁大，而且重几爽口弹牙。 八爪鱼脸好大条好粗！不过食落就有d干。但个粉口感好正，粒粒都有咬口
呢个草莓爆谷茶好香果味，饮落酸酸地，唔会好甜，但有d天然既草莓甜。要记得上枱之前后等到个漏斗d沙漏完先开始饮！
餐包黎先。
甜品拼盘就见识过，海鲜就系第一次见人咁样摆，入面乜都齐，海胆、生蚝、蛏子、象拔蚘、三文鱼、带子、蟹肉、鹅肝都有，可以话系一次过满足晒你咁多个愿望！三文鱼变左红色，师傅话系加左红菜头汁去腌，不过食落就唔会有咩红菜头味。
海胆份量几够，不过味道就淡d，海水味唔重。其实成个盘，除左d盐系用黎装饰既之外，其他野都可以食，当然盐都食得，不过就唔系就咁直接食既！
生蚝系另一样正野，好新鲜，上面加左d jelly同珠珠，好似加左果汁一齐食咁，几特别既食法！
其余既海鲜都好新鲜，仲可以配埋佢黑色一块块果d墨汁片黎食，好鬼脆～
呢碟意粉几大份，下面藏左好多意粉，个酱令到d意粉又爽口又香！只虾都成只碟咁大，而且重几爽口弹牙。
八爪鱼脸好大条好粗！不过食落就有d干。但个粉口感好正，粒粒都有咬口，加埋d切到细细粒既辣肉肠，好夹！上面块黑色脆片系墨汁做既，用黎捞埋落个粉度食，但系我就觉得无乜分别。
然后呢个蟹粥就同想像好唔同，我以为会系一锅粥，点知系一碗饭咁既样，下面一Pat淡黄色既饭唔太吸引，所以有d草装饰下就靓左好多。d饭原来系意大利饭，睇落一pat pat，但食落又唔会好淋，不过d蟹味就无。
猪腩肉真系成旧上，本时食韩烧叫一旧，都系呢个大细，价钱都贵过呢碟饭啦！呢个仲有人煎埋，包无失手！真系几正，煎得够香又唔会话好油。最奇特系，竟然下面似意大利饭既，系薏米！系平时食腐竹薏米果种，好搞笑既配搭！但系d薏米既份量就少左d，得几啖，主要系食旧肉。
呢度d野食虽然摆得靓，但都无话特别贵，同普通西餐厅价钱差唔多，所以都合理既。
张贴
