越華會海鮮小館 (已搬遷) 新店位置

环境3分：正常中式酒楼格局，人多坐得好迫，又嘈，三分。卫生3分：地方都叫整齐，张枱上有纸有牙签，正常三分。服务3分：楼面阿叔态度都算正常，又够快手，都系三分。味道4分：1)      豉油王炒面炒得比起出面其他酒楼干身，算最好食，食落唔系十分之油腻，食大半碟都唔觉得成口好油。2)      避风塘炒蟹叫左小辣，食辣蟹如果唔辣就不如唔好食，但系小辣就已经对我黎讲非常之辣，只蟹都算肥大。碟上超多蒜蓉，两只大大蟹钳，蟹身食下食下都算多肉，唔错。3)      虾多士总共有八块，炸得干身，只虾都算ＯＫ大， 多士嚟讲绝对合格。抵食4分：两个人食左唔使千二蚊就有两个𩠌加靓蟹食，有啤酒饮，可以畀四分。