極之好粥麵茶餐廳 (已結業)

昨晚去旺角挂住行街，谂起要食饭时已经系11点，望见就近有间茶餐厅，就入去医肚啦！佢门口放左好多出前一丁，店内又放左好多有关o既杂志报导，咁唔试佢d炒出前一丁好似说不过去，原来谂住点都会有set呀，一丁面餐呀之类的，点知无，唔……你$40蚊包一丁同野饮都有赚啦，傻o既。于是我地一行三人就净系叫左2个炒出前一丁share喇。我地叫左金菇叉烧炒一丁同鸡扒炒一丁。食落又的确几好味bor, 炒得几有镬气，面身几爽，软硬适中，而且条条都有沾到酱汁，几好。但系我嫌o的面碎左o的o的，好难夹。至于配菜方面，青椒、萝卜丝的份量的确系比较多，好在青椒都算够甜够软身，唔会同一丁太contrast，但系又能提升口感，okay 呀。不过呢，我见o条金菇仲lung住根部灰灰的泥样物体，感觉好唔干净，下次将根部切去的时间切得高少少，同埋切干净o的啦，唔好为左o的minor野失分嘛。总括黎讲，行得累累地想食消夜，又唔食得多的话，依度都okay架！但系如果想系度食饱饱，我谂每个人都要五六十蚊左右，我谂得会俾多十蚊去o的座得舒服o的的食肆吧！