影片
更多
2019-07-06
2929 浏览
呢排真喺日日热到爆，过开荃湾Ikea睇啲嘢，本来都想买杯台式冰茶边行边饮，不过，谂谂吓，索性不如揾个「窦」摊抖吓。结果，经过中染大厦嘅「Pacific Coffee」，食埋个下午茶，打吓趸，慢活一下，先再起行。虽然荃湾久唔久都会过嚟，但呢一边就真喺较少行到，而呢家Pacific Coffee就更喺第一次光顾。依家香港人对呢类中档消费嘅咖啡店都好接受，所以，眼见真喺坐满晒人。早餐饮咗咖啡，所以，依次就无点咖啡，反而试咗款新梳打冻饮，共有两款口味：薄荷蓝莓梳打及薄荷红西柚梳打。薄荷红西柚梳打 $42喜欢红西柚阵味多啲，所以，拣咗薄荷红西柚梳打，卖相晶莹剔透，望见都透心凉。晌等候期间，跟店员倾开，原来喺用咗意大利有汽矿泉水嚟制作，加入红西柚果浆，搅匀后入口，酸酸甜甜嘅红西柚味道特别爽，仲带有薄荷嘅香气，饮落里面仲有啲清爽嘅啫喱粒，非常解暑。上文都讲话嚟顺便下午茶啦，所以，拣番款甜品衬吓。甜点方面，放晒晌饼柜下层一眼睇晒，共6款选择。甘笋合桃蛋糕 $30相对地，几款芝士蛋糕较多食，柠檬挞亦于早前就试过，所以，相中较少食嘅甘笋蛋糕。甘笋蛋糕糕身本身加入唔少甘笋幼粒，口感都会比较实净啲，唔会食完好
虽然荃湾久唔久都会过嚟，但呢一边就真喺较少行到，而呢家Pacific Coffee就更喺第一次光顾。依家香港人对呢类中档消费嘅咖啡店都好接受，所以，眼见真喺坐满晒人。
早餐饮咗咖啡，所以，依次就无点咖啡，反而试咗款新梳打冻饮，共有两款口味：薄荷蓝莓梳打及薄荷红西柚梳打。
薄荷红西柚梳打 $42喜欢红西柚阵味多啲，所以，拣咗薄荷红西柚梳打，卖相晶莹剔透，望见都透心凉。晌等候期间，跟店员倾开，原来喺用咗意大利有汽矿泉水嚟制作，加入红西柚果浆，搅匀后入口，酸酸甜甜嘅红西柚味道特别爽，仲带有薄荷嘅香气，饮落里面仲有啲清爽嘅啫喱粒，非常解暑。
上文都讲话嚟顺便下午茶啦，所以，拣番款甜品衬吓。甜点方面，放晒晌饼柜下层一眼睇晒，共6款选择。
甘笋合桃蛋糕 $30相对地，几款芝士蛋糕较多食，柠檬挞亦于早前就试过，所以，相中较少食嘅甘笋蛋糕。甘笋蛋糕糕身本身加入唔少甘笋幼粒，口感都会比较实净啲，唔会食完好似阵风咁，而中间及面层嘅忌廉芝士，咸香挺身，都几夹甘笋蛋糕，而最正喺面层铺满脆口嘅合桃粒，增加「脆」味。
有时有啲嘢真喺兴之所至，今回都算喺兴之所至叹住冷气嚟个下午茶，竭一竭，轻松一下。
张贴
