Fûhn (The L. Square) (已結業)

夏天热辣辣，有时都想食得清淡d，会去食下越南捞檬，酱汁酸酸甜甜会开胃d，今次就去左铜锣湾既楼上越南菜餐厅，餐厅环境简约舒适，仲有越南啤酒同cocktail，几有特色。火车牛魔粉 可以简金边粉或者河粉，我地简左河粉，汤底浓郁，河粉吸收晒汤汁既清甜味道，配料份量十足，有安格斯牛肉、牛坑腩、手打牛丸、牛筋、牛腩边同牛栢叶。烧安格斯牛肉拌金边粉＋太阳蛋金边粉口感烟韧，酱汁辣辣地有蒜蓉香几惹味，烧牛肉烧得好香口，太阳蛋煎到浓边，十分香脆，伴沙律菜可减减油腻感。软壳蟹米纸卷米纸卷非常烟韧，还加了荞麦，十分特别，包埋酥脆既软壳蟹、生菜和檬粉，配上辣味既美乃滋酱，层次非常丰富。牛油果奶昔淡淡牛油果味，好fresh，夏天消暑必备。