甜姨姨 (耀華街)

营业中

休息中

一直都见到ig好多人食大大个刨冰，但成日都两个女仔去街，食完饭已经好饱，无晒quota食。好难得今次3个女仔一起去，闲日大约2点去到，客人唔多，坐得几阔几舒服。3个人叫左一个杨枝甘露味刨冰，刨冰黎到都好大个下，3个人食啱啱好，完全唔使争，呢个口味食落好重芒果同柚子味，炎炎夏日食特别冰凉解暑，但缺点就系我略嫌太甜，而且冰都好快融，都最后变左一碗水。另外我地仲叫左个芋圆，我觉得呢个就真系好普通，芋圆无话特别烟韧，亦唔重原材料味，成个甜品椰奶味盖过左一切，我觉得真系唔使试。整体感觉都尚可，食完饭行过可以一试，但要大排长龙的话我就未必会食了，食鲜芋仙好过。