影片
更多
2023-09-17
546 浏览
虽然已经踏入初秋，但系天气仍然好热，偷懒唔想煮饭，有人提议带我去湾仔「拾味」食刀削面。店子地方不大，一般茶餐厅格局，但入面嘅装修都几骨子，灯火明亮，环境干净企理。第一次嚟呢间面馆，原来呢度嘅刀削面有几种食法，可以拣汤面、热拌或冷拌，而且𩠌料超多花款；如果唔想食面，仲可以选吃上海菜饭、净水饺或云吞等。我哋点咗碗冷刀削面、上海净水饺同一碟油菜。 消暑冷刀 ($69) 刀削面可以转拉面或米线同任选一款𩠌，如果想配多啲𩠌料，就每款 +$10。拣咗熏蹄丝和手撕鸡 (+$10)，配料有青瓜丝、粟米粒同黄金芝麻酱。面条粗度均匀，食落好爽身，烟韧有咬口，配上浓香嘅麻酱，啖啖滋味。熏蹄皮爽肉嫩；手撕鸡入味又不嚡口，食落仲带阵阵麻油香。另外跟餐 +$6 就可以配杯豆浆，冷热同价，非常经济，饮落都几顺滑，甜度亦啱啱好。上海净水饺 ($50) 水饺一碗有 10 只，外皮厚度做得刚刚好，食落几有弹性，入面包住满满嘅猪肉同椰菜，猪肉新鲜、椰菜清爽，味道唔错。郊外油菜 ($25) 有唐生菜、芥兰、菜心可供选择，菜心鲜爽翠绿，入口清甜又无渣👍
虽然已经踏入初秋，但系天气仍然好热，偷懒唔想煮饭，有人提议带我去湾仔「拾味」食刀削面。
店子地方不大，一般茶餐厅格局，但入面嘅装修都几骨子，灯火明亮，环境干净企理。
第一次嚟呢间面馆，原来呢度嘅刀削面有几种食法，可以拣汤面、热拌或冷拌，而且𩠌料超多花款；如果唔想食面，仲可以选吃上海菜饭、净水饺或云吞等。
我哋点咗碗冷刀削面、上海净水饺同一碟油菜。 
消暑冷刀 ($69) 刀削面可以转拉面或米线同任选一款𩠌，如果想配多啲𩠌料，就每款 +$10。拣咗熏蹄丝和手撕鸡 (+$10)，配料有青瓜丝、粟米粒同黄金芝麻酱。
面条粗度均匀，食落好爽身，烟韧有咬口，配上浓香嘅麻酱，啖啖滋味。熏蹄皮爽肉嫩；手撕鸡入味又不嚡口，食落仲带阵阵麻油香。
另外跟餐 +$6 就可以配杯豆浆，冷热同价，非常经济，饮落都几顺滑，甜度亦啱啱好。
上海净水饺 ($50) 水饺一碗有 10 只，外皮厚度做得刚刚好，食落几有弹性，入面包住满满嘅猪肉同椰菜，猪肉新鲜、椰菜清爽，味道唔错。
郊外油菜 ($25) 有唐生菜、芥兰、菜心可供选择，菜心鲜爽翠绿，入口清甜又无渣👍
张贴
