孖啡 (已結業)

难得同朋友得闲，就约左去呢间cafe坐下倾下计。我地两个share两个lunch set，嗌左香蒜白酒蚬意大利粉，蚬肉都算多，亦有蒜香味，意粉同样滋味，不过份量唔算多。之后嗌左个全日早餐，食物都好丰富，样样都系我钟意食嘅，炒蛋非常嫩滑，烟三文鱼都好新鲜咸咸地，个肠都好好食。整体黎讲呢个餐好抵食$88就有哂咁多样仲要食物算高质。咁lunch set会包一杯$38饮品，多左就补差价。咁我就试左呢个蓝莓果茶，味道偏淡。朋友就叫左个梳打，普通正常。同埋佢仲有好多board game玩，晏就又可以坐耐啲都唔怕，cafe黎讲系几抵既。