輝香園

营业中

休息中

嚟到荔枝角做嘢，食晏嘅时候走左入去大南西街呢间《辉香园》帮衬。餐牌简单清晰，一目了然。我拣咗特色饭类入面嘅凉瓜班腩饭($48)，饮冻咖啡(跟餐+$3)，一共$51。碟饭都几快送上枱，大大碟，饭多𩠌亦多。凉瓜口感啱啱好，唔会太腍，挂到汁，都几好食。都有几多块斑腩，斑腩应该有先走油，所以表面都几香口，味道都唔错。冻咖啡，都几滑，不过就淡咗少少。今餐嘅主角凉瓜班腩饭都几好味，份量亦足，虽然冻咖啡比较一般，不过整体感觉，仍然唔错，下次经过呢头，可以再嚟帮衬。