家居坊 (已結業)

第一次在此餐厅食Lunch,约于12:45落咗order后，等咗成半个小时才上第一碟饭，心想咁standard嘅海南鸡饭都咁耐，已知不妙，故即时催促侍应；忽见另一边厢，有个淑女向侍应投诉(当时仍未发火)说道：「碟𩠌已到了10分钟，但红米饭仍未到，劳烦帮我跟跟。」再过了一会，忽然又听到呢班淑女开始有点火气，说道：「我碟𩠌己到咗好耐，唔该快d比碗饭嚟啦！使唔使我去厨房自己装呀！」我心想，实在好离谱，其实此时成间餐厅只得3个侍应，但要serve超过80人，佢地根本做唔切，净系应付投诉都唔得闲，只有见招拆招，我隔离一对客人，想要一套刀叉，都等咗超过5分钟啦(仲要经过多次催促)!最后，听到个淑女忍无可忍，当碗"白饭"来到时，好恶咁发泄：「我碗系红米饭，唔系白饭，仲有，我等碟𩠌等咗20分钟，等碗饭又再等咗半个钟，你地真系好离谱,点做嘢！」我最终也等到1:30pm才有得食，庆幸系饭𩠌一齐上，唔使多等半个钟。