亞萊泰 (淘大商場3期) (已結業)

前排去淘大朋友家，发觉淘大商场劲多野食，间间都想试，所以揾晚约埋朋友探佢再食埋饭。朋友推介食亚莱泰，又好，好耐无食泰国菜！二人唔点得多，套餐其实好抵食，不过因为餐内食品唔系最想食嘅，最后决定散嗌。碳烧猪颈肉，烧得劲香口，而且好大碟，两个人食唔洗就住就住，三四个人食都好happy share! 而且秘制酱汁一点就好似令热气感降低！好耐无食咖哩，所以叫左咖喱牛腩，好欣赏店家做到咖喱味唔会太浓，牛腩仍然保留牛腩香，炆得好淋，而伴菜薯仔都好正！食咖哩唔可以唔叫蒜蓉包或者薄饼，朋友喜欢蒜蓉包，蒜蓉包焗到香脆，因为系厚切蒜蓉包条，内里依然保留松软，心心眼！食完heavy 野就叫碟马拉盏通菜，无得输因为马拉盏炒得好香！最后点可以少得芒果糯米饭，芒果香甜，完美作结。