茶舍 (淘大商場2期)

营业中

休息中

小犬带来的八号风球，享受了半日风假，就搞到放唔到工，成七点半先收工，好肚饿，先食个晚饭再回家去。同事话去Donki买野，咁就去淘大食啦，拣左食茶舍，呢间餐厅人气满满，几点黎到都坐满人㗎😆一坐落就快快用枱上个qr code落单先，介面都有少少复杂，睇睇先。⭐沙律落完主菜再加个至尊套餐，咁就有沙律、餐汤同甜品，都几抵呀～沙律菜新鲜，麻酱同咩都夹㗎。⭐浓虾汤餐汤是浓虾汤，正常西汤味。⭐咖喱吉列猪扒蛋包焗饭自己点左蛋包饭，意外地多饭😳一睇就觉得食唔哂添…个蛋几嫩滑，配上珍珍米好好食，猪扒香脆，咖喱汁偏甜少少，但都有香料香㗎。⭐咖喱牛腩焗饭同事都系拣咖喱，不过就系焗饭。有几大件牛腩同薯仔，调味同蛋包个咖喱有啲唔同㖞，佢呢款带少少辣。不过焗饭真系要小心食，超劲热好烫口😆⭐央走茶走就饮得多，试下央走，同事仲拣左多奶多甜，哈哈，佢话真系好甜，喂喂，你自己拣㗎嘛👍⭐冻杏霜自己点了冻杏霜走甜，走左甜就啱啱好，微微嘅甜度带有杏仁香👍⭐芝士蛋糕跟餐蛋糕有原味、朱古力同柚子三种口味，要左后两款。朱古力都几香浓，但就偏硬少少。柚子香甜不腻，劲正，推介拣呢款😋饭好大盘食唔晒呀，超饱，再加上蛋糕，真系超满足。