貴州熙月羊肉粉館

营业中

休息中

喺深水埗行完街，行落去太子就系为咗试呢一间羊肉米线。间舖都几吊脚，喺深水埗同太子之间。不过太为食就要行下。入到嚟之前𠮶啲客已经离开咗枱面嘅嘢未收，剩系得我一个人。话晒试新嘢，有啲保留好啲，所以净系嗌咗个羊肉米线，一份糍粑同埋黑豆浆。老板几好问我啲豆浆要唔要甜。走甜当然好啦，饮落去同屋企自己用黑豆打嘅一模一样，都几浓郁唔会太稀。碗羊肉粉上场啦，试一试啖汤先。淡，好淡。跟住老板娘叫我搞一搞个底先至再食。搞完都系淡。不过见佢啲玻璃门上边都贴住唔够咪可以自己加盐，汤头做得唔好，真系嘥咗一碗粉。其实啲米线好好食粗粗地又弹牙又够滑，但系个汤底真系败笔。啲羊肉片食落去感觉就有少少怪，好似食紧金华火腿片咁。当然唔会好似火腿咁咸，不过个质感就系好似金华火腿。食到大半个糍粑终于到。新鲜整真系好软糯，但系啲红糖原来唔系喺个糍粑里面，只系喺面𠮶度加少少红糖浆，不过都好好食。希望佢可以喺个汤底𠮶度下多啲功夫就好啦。