影片
更多
2013-05-18
2883 浏览
月头男友反被旧同事S介绍引诱o系G字头团购公司推出呢o度,以$588.00食到原价$916.00o既二人法式海鲜餐,呢张劵只可o系星期日-星期四晚,6:00pm-8:00pm同8:30pm-11:00pm用,由于太多局限同埋我同男友平日放工后过o黎,一定赶唔切6:00pm场,同8:30pm场又晏o左啲,于是都博吓book前晚(16-3-2013 Thur)7:00pm食得唔得,我打o黎时,个男职员解释因为唔想客人食得咁赶,但帮我book住8:30pm,如果当晚情况许可,就畀7:00pm我o地,o系15/5或16/5再打畀我确定.好,谢谢!到15/5同16/5都冇人打畀我,而16/5晏昼一点几重有雷雨添,唔知夜晚会唔会落大雨,我同男友都想cancel booking,不过都系唔好喇.但都要同我confirm时间o假?于是我打电话去问,接听o个个话唔好意思,呢晚好full,唔可以提前.啊,咁好啦.但冇耐,有个男人打畀我,话可以畀7:00pm我,不过我问可唔可以7:30pm?佢答都可以.好,呢晚冇落雨,我都好顺利,大约6:40pm到o左湾仔地铁站,但要等男友,佢大约6:55pm都到,我o地即
到15/5同16/5都冇人打畀我,而16/5晏昼一点几重有雷雨添,唔知夜晚会唔会落大雨,我同男友都想cancel booking,不过都系唔好喇.但都要同我confirm时间o假?于是我打电话去问,接听o个个话唔好意思,呢晚好full,唔可以提前.啊,咁好啦.
但冇耐,有个男人打畀我,话可以畀7:00pm我,不过我问可唔可以7:30pm?佢答都可以.
好,呢晚冇落雨,我都好顺利,大约6:40pm到o左湾仔地铁站,但要等男友,佢大约6:55pm都到,我o地即刻行去喇.
去到后我话姓咩o野book o左位,其中一个男职员查o左后就即时收我张劵,冇问题.
我o地被安排坐o系中间o既一张二人枱,其中一个男职员帮我将把长遮收好,走时记得问佢攞返.OK.
枱上已放好o左几种调味料,有三种好明显系涂法包,另外三种就唔知喇.男职员问我o地要有气定冇气矿泉水同唔知咩o野,我答要有气啦.
然后就拣埋团购餐单中要拣o既o野,咁佢o地就自自然然依次序上菜.不过都有问我o地饮咩o野酒,佢话有海鲜就推介我o地白酒.
亦都有介绍枱上o个六款调味料:
涂法包,相中深啡色o既鹅肝酱,顺时针下方o既系香草三文鱼,最后o个旧系海盐牛油;另外o个三样系蘸海鲜o既,右上深色o既系蘸面包蟹o既醋,左边系唔知咩o野香草,蘸翡翠螺,其他海鲜蘸右下o既蒜蓉酱.职员叫我o地先食晒所有海鲜,最后至食面包蟹,因为佢o既味道最浓,应由淡味开始食.啊,OK.搅掂晒就开餐喇,先o黎
1.法包四片
佢仍暖暖地,我o地先涂鹅肝酱,涂o左上去,见到内里仍有啲粉红色,质感唔系好滑,而味道,有啲难食.之后涂香草三文鱼同海盐牛油,呢两样就正常冇问题.
2.青苹果果冻伴烟肉焗生蚝
我先食烟肉焗生蚝,差唔多一叉就叉到成个出o黎,食落,我好似食唔到粒生蚝肉,真系细到我只食到烟肉,有冇搅错?我后悔冇先拨开烟肉o黎睇同影,睇佢有几大粒. 而青苹果果冻呢?竟然系软软地,味道有青苹果味外,亦有啲啲奇怪味道,不过问题唔大就算.
3. 法式高级海鲜盘
我o系半只龙虾同半只面包蟹中拣o左后者,其他o既有翡翠螺,海虾,皇帝蚬同带子. 翠螺同皇帝蚬每人一只,我先食皇帝蚬,翡翠螺,带子同海虾,亦跟职员讲蘸咩o野酱食,但…我食到o既就只系蒜头味,其他咩o野海鲜鲜味都食唔出,只觉得冻,系因为太冻鲜味挥发唔到出o黎?最后食面包蟹,味道好浓?唔觉㖞,我都唔蘸醋食o架啦,男友话肉质同其他蟹唔同,系实啲咁啰.
4. 洋葱牛肉清汤同栗子忌廉汤
食完后到餐汤,有两款拣,我o地就一人要一款咪得啰,费事烦.两个汤o既份量都好少.
洋葱牛肉清汤正如其名,
只有好多洋葱,颜色系深黑色,洋葱系腍晒o既,亦食到有啲牛肉,汤味唔太浓.而栗子忌廉汤呢?
只觉得佢杰杰地,男友以为系磨菇忌廉汤添.5. 雪葩
份量又好少,最多两茶匙,而味道呢,系荔枝味,又系清清地o既,唔太甜,都几好食.6. 食完后到三选二o既主菜,有墨鱼鲜虾墨汁面,黑松露菌意大利饭同白酒奶油烧鲈鱼.我o地拣o左最后两个.
黑松露菌意大利饭,
卖相都系湿湿润润,饭里面有黑松露菌,饭都系正宗意大利煮法,外软内硬,菌味都食到啲但唔系浓.而白酒奶油烧鲈鱼,
食到微微香脆,肉质唔算好滑.7. 最后系自家制甜品朱古力慕丝
上枱已开始熔熔地,卖相有少少似便便.
食落,唔太甜但唔算好滑,唔够挺身,似忌廉多啲.食完都差8:15pm,可以o系8:30pm前还到枱啦.
服务:
开头系好殷勤,枱上冇干纸巾佢o地会拎盒纸巾o黎问我o地要唔要.
然后见我同男友o既手提袋都几大个,要揽住o黎食,佢o地就主动将隔离o既二人枱拉埋啲,叫我o地将两个袋放o左凳上,因为呢张枱o既客人系book o左8:30pm,好体贴呢.
不过我o地行到出门口,男友记得我把遮就问其中一个男职员但佢竟然揾唔到,冇印象.@.@”我话佢知咩o野色,佢都系唔记得摆o系边.我望吓,唔系摆o系我觉得系遮桶o既o野o度,又望吓厨房,有两把挂o系矮门,望入啲,见到喇,挂o左o系应该系一个高柜o度.
其他:
睇返menu,原来杯有气矿泉水系餐前特饮. 同团购里面o既相系唔同,
唔通佢讲o既第三样o野就系相中o个杯?不过佢o地会畀晒成支有气矿泉水我o地.环境:
根据团购公司介绍,La Maison o系法文系指’家’o既意思,呢o度以温暖木色为主调,好贴题.
价钱:
当我o地食完坐多阵时,一个男职员递张单畀我,话要收$42.00,我觉得奇怪,团购冇话要我o地o黎食o时候再畀$42.00㖞,如果有,佢o地系会写明,因为我有次见到系有.但我都照畀先,今朝上网check返呢个优惠o既详情,见唔到有写要再畀$42.00,就打电话去o个间团购公司,团购公司职员睇都话冇,佢话佢会跟进了解,然后畀答覆我.
都系o个句,如果以正价$916.00食呢个餐,绝对唔值,而以$588.00食,同样唔太值,事后重无端端畀多$42.00就更加唔值.
呢次畀分先以$588.00计算.
张贴
