深仔記

营业中

休息中

今晚同花老嘢同花老弟饮嘢，老弟话系附近开咗间云呑面店几好食，饮完嘢之后老嘢就话去试试。我哋叫咗云吞粗，云吞米同芥兰。芥兰唻先，个色仲几翠绿但食落又几淋㖞，我钟意。食完油菜d面先唻，老嘢先饮d汤，um....冇咩味，d粗面质感都麻麻。我嘅米粉一样，冇咩味个汤，但系d云吞又好似咸咗少少。食完之后我哋之后都唔会再信花老弟啦。。。 隔离个枱姨姨叫咗成枱嘢食，又猪手又鸡脚咁，问有冇水供应，有个姐姐话水机坏咗㖞，未煲嘅水要唔要？笑咗另外有个姐姐疑似负责人or老板娘啦，我哋食食下问我哋拎张单睇，理由系＂我想计一计自己条数呀＂，之后又去另一枱问。我觉得我食碗面都唔使15分钟，点解要咁突然咁要拎唻睇？你咁早(当时7点15分到)就要埋数架咩？食完之后拎张单去＂收银个位＂埋，佢系第度执紧嘢，老嘢企系度等佢，佢见到即刻边行边伸只手话＂俾我呀＂，好似讲到我哋想俾第个咁。正常人系呢个时间系唔系会一路行一路讲＂多谢晒＂咁，一系就咩都唔讲架嘛。我唔系话我食嘢俾$大晒要人多谢我，我哋2个人都系食咗几十蚊，但佢d行为令我有少少反感，加埋d食素真系令我唔会再encore啰。