影片
更多
2015-07-09
444 浏览
茶记之旅贰@华富华富邨~~细细个就听过佢个名。印象一直系极南之地遥不可及。最出名梗系倚山望海+UFO事件。人人住到风生水起。因而得到公屋豪宅之名。贝沙湾就系隔黎少少咋噃虽然有巴士直达。原来卅几年从未踏足过。今趟难得黎到。极度陌生之余又带点亲切感。因为都系井字加一字型楼。连色水都差唔多。而且成个平台街边都满布老人家。吚喂！同我楼下有乜分别呢～再加埋领汇既神级复制技术铺头都差无几。仲要有我最爱既“意乐”添。不过今日一别不知何年何月再见。最后拣左间旧式茶记探索一下一入铺就冲向死角坐低。贪佢睇晒全场同方便自闭一下唔好阻人。极高既楼底再加上几把吊扇。墙身颜色淡黄配浅木色卡位。Well成个感觉都唔精神一D都唔吸引噃。撞岩食饭时间比较多后生黎食。当然都有唔少手腾脚震既老街坊叹茶啦。眼见好多人叫碟头饭。但黎得都系坚持试菜之选～常餐热奶茶~多士！又系秒杀多士。其实用心烤完配上适量牛油。要好食又有几难呢？厚边热茶。睇色水都知茶味浓郁口感丰富绝不欺场。今次争议点出系牛面度。见有人写话淡贸贸好似用水开希咁好难食云云。无可厚非佢颜色咁浅未食都知乏味。之但系衰在佢个淡嗲味同个环境系绝配㖞。清淡可能就系呢树老街坊既
华富邨~~细细个就听过佢个名。印象一直系极南之地遥不可及。最出名梗系倚山望海+UFO事件。人人住到风生水起。因而得到公屋豪宅之名。贝沙湾就系隔黎少少咋噃
虽然有巴士直达。原来卅几年从未踏足过。今趟难得黎到。极度陌生之余又带点亲切感。因为都系井字加一字型楼。连色水都差唔多。而且成个平台街边都满布老人家。吚喂！同我楼下有乜分别呢～再加埋领汇既神级复制技术铺头都差无几。仲要有我最爱既“意乐”添。不过今日一别不知何年何月再见。最后拣左间旧式茶记探索一下
一入铺就冲向死角坐低。贪佢睇晒全场同方便自闭一下唔好阻人。极高既楼底再加上几把吊扇。墙身颜色淡黄配浅木色卡位。Well成个感觉都唔精神一D都唔吸引噃。
撞岩食饭时间比较多后生黎食。当然都有唔少手腾脚震既老街坊叹茶啦。眼见好多人叫碟头饭。但黎得都系坚持试菜之选～常餐热奶茶~多士！又系秒杀多士。其实用心烤完配上适量牛油。要好食又有几难呢？厚边热茶。睇色水都知茶味浓郁口感丰富绝不欺场。
今次争议点出系牛面度。见有人写话淡贸贸好似用水开希咁好难食云云。无可厚非佢颜色咁浅未食都知乏味。之但系衰在佢个淡嗲味同个环境系绝配㖞。清淡可能就系呢树老街坊既口味我既著眼点系碗面汤少但牛肉嗲汁极多一反茶记做法。食起上黎好似沙嗲牛肉捞面咁。正嫁㖞！
好多时唔岩自己口味想法。唔代表唔好味或者人地错。多角度去谂下感受下。欣赏下个中既味道同特点。可能会带比你一Ｄ新既视野同冲击。从今开始我既味蕾开发左一个区域～淡淡然的老街坊口味～平平静静清清淡淡
讲起开发味蕾。成日勾起十几年前北京王府井既蚕茧昆虫内脏呕心沥血反胃再反胃。绝对系十级深刻加廿级后悔既味道。呢一刻又有点反胃了。人既记忆实在可怕飞返返去现场先。边食边影边发呆。发现食客依然不断。仲有带埋细佬既爸爸同岩岩训醒既宅男。证明淡得黎都可以有好多捧场客既。
甫踏出门口。脑海中不期然哼起一首耳熟能详既旋律生活淡淡似是流水最后送上华富后栏求其一拍既景色。未免太过舒适优闲了吧
张贴
