Jo Jo Indian Cuisine

营业中

休息中

去西贡玩无意发现呢间印度餐厅，突然间好想食啲重口味嘅印度菜，于是入咗去。佢嘅环境几有情调嘅，但系𩠌菜真系唔得。Samosa 呢个咖哩角完全唔掂，佢个皮唔算厚，系适中， 不过唔酥脆， 有啲厚实嘅感觉 。 而且佢个馅料系冇香料， 食唔到咖哩味、姜黄味、或者茴香味。 简直就系侮辱咗咖哩角。 里面只有薯蓉同青豆，无味。Kesri pulao 印度黄饭， 啲饭煮得粒粒分明系几好嘅，亦都够干身，但系重点系冇味！点解佢呢间餐厅嘅印度菜系冇味？ Saag paneer 杂菜芝士咖哩， 质地都杰身，但系佢个口味唔重，冇乜落香料。而且佢嘅cottage cheese 真系少之又少，亦冇芝士味。我唔知佢系咪想迎合外国人嘅口味，所以佢哋印度菜唔系好正宗，唔系好够味。