麻布茶房 (已結業)

昨天晚上约左朋友去尖沙咀报名读书,报完名之后我地就嚟左呢度食饭,贪呢度近近地,7点几冇咩人,我地两个人就睇下有咩食先啦,餐牌都好多份,有一人餐,全set,餐汤至甜品,138元,有两人餐,398元,我地觉得太贵及多嘢食,所以睇下主餐牌有咩食,朋友想食咖喱,不过因为唔系套餐冇得加钱叫饮品,之后见到有d定食既餐有咖喱的,又可以加钱叫饮品,所以叫我地就叫左这种定食啦.朋友叫咖喱牛肉饭跟热奶茶,我叫左一个猪软骨饭跟热宁茶.好快就嚟啦,卖相都好似好吸引呀,食下先,饭系有滑蛋舖面的,另一面系猪软骨,有些洋葱,猪软骨只有几件,味道都几好,好淋身的,不过好少汁,蛋饭那边完全冇味的,d蛋系淡的,虽然好滑,但真系好淡口呀,朋友都话佢只系咖喱那边有味,但系蛋果边都冇味,咖喱牛肉只有一两件牛肉,劲少.味道ok个面豉汤仲怪,唔系平时饮开的咸及有些海带豆腐的面豉汤,系冬菇丝三条的,一开盖已有好大的冬菇味,但系味道好怪,甜甜地唔知点咁,我同朋友都觉得好奇怪的汤呀.定食还有一些生果的.咁既价钱,咁既质素真的可以有好多选择,还有环境都好普通,好似一d装修也没有的,只像在茶餐厅不像在食日本嘢啊.