影片
更多
2021-06-23
842 浏览
上次黎呢间观塘渌鼎记试过晚市打边炉放题，都觉得唔错。今晚一于encore！呢度有三款套餐，包既野食同限时唔同，视乎日子同入座时间都有唔同价钱。上次食小宝套餐，今次升级叫堂主套餐先，7:30前离座系$248加一。除左小宝套餐有嘅安格斯牛小排，美国安格斯牛肩胛，鹿儿岛梦幻豚，纽西兰羊肉片，鲜脆鲩鱼肉，鲜鸡件，手打鲮鱼丸，仲有韩国生蚝，沙白蚬，海虾，手打墨鱼丸。 另外仲有自家制凉茶及甜品。除左以上野食，前菜有六款，分别系胡麻酱秋葵，香醋鲜云耳，台式盐酥鸡，鲍汁扣鸡脚，麻辣青瓜，泡椒鸡翼尖。落单用QR code，每次落单只可以叫三份，不过可能佢见我地两个人，每次只系上左两份俾我地。安格斯牛小排非常正，又嫩又重牛味，脂肪又唔算多，我哋食左劲多转。重点系基本上每一转质素都好好！纽西兰羊肉片有少少膻味，需要咬吓。鹿儿岛梦幻豚猪味浓，系脂肪较牛小排为多。韩国生蚝睇落以为未融冰，但系食落好鲜甜又肥美度适中，算大只。手打墨鱼丸同手打鲮鱼丸细细粒，等你唔洗一次食太多。两款丸都明显新鲜手打，好味。海虾新鲜爽甜，正。沙白蚬虽然唔大只，但系又嫩又好鲜甜，食得出嘅新鲜。鲜脆鲩鱼肉好香鲩鱼味。鲜鸡件系鸡脾肉，质感嫩滑
呢度有三款套餐，包既野食同限时唔同，视乎日子同入座时间都有唔同价钱。上次食小宝套餐，今次升级叫堂主套餐先，7:30前离座系$248加一。除左小宝套餐有嘅安格斯牛小排，美国安格斯牛肩胛，鹿儿岛梦幻豚，纽西兰羊肉片，鲜脆鲩鱼肉，鲜鸡件，手打鲮鱼丸，仲有韩国生蚝，沙白蚬，海虾，手打墨鱼丸。 另外仲有自家制凉茶及甜品。除左以上野食，前菜有六款，分别系胡麻酱秋葵，香醋鲜云耳，台式盐酥鸡，鲍汁扣鸡脚，麻辣青瓜，泡椒鸡翼尖。落单用QR code，每次落单只可以叫三份，不过可能佢见我地两个人，每次只系上左两份俾我地。
安格斯牛小排
19 浏览
0 赞好
0 留言
安格斯牛小排非常正，又嫩又重牛味，脂肪又唔算多，我哋食左劲多转。重点系基本上每一转质素都好好！
安格斯牛小排，纽西兰羊肉片，鹿儿岛梦幻豚
13 浏览
0 赞好
0 留言
纽西兰羊肉片有少少膻味，需要咬吓。
鹿儿岛梦幻豚猪味浓，系脂肪较牛小排为多。
韩国生蚝，手打墨鱼丸，手打鲮鱼丸
12 浏览
0 赞好
0 留言
韩国生蚝睇落以为未融冰，但系食落好鲜甜又肥美度适中，算大只。
手打墨鱼丸同手打鲮鱼丸细细粒，等你唔洗一次食太多。两款丸都明显新鲜手打，好味。
海虾新鲜爽甜，正。
沙白蚬虽然唔大只，但系又嫩又好鲜甜，食得出嘅新鲜。
鲜脆鲩鱼肉，鲜鸡件，胡麻酱秋葵
5 浏览
0 赞好
0 留言
鲜脆鲩鱼肉好香鲩鱼味。
鲜鸡件系鸡脾肉，质感嫩滑。
胡麻酱秋葵新鲜爽脆，加胡麻酱好食。
菠萝沙嗲锅
10 浏览
0 赞好
0 留言
汤底有八款拣，包括皮蛋莞莤豆腐锅，大红袍麻辣锅，澳门猪骨锅，菠萝沙嗲锅，老坛酸菜锅，花胶美人锅，正宗药膳锅，天山雪莲虫草花锅。今次拣左菠萝沙嗲锅，超正，够哂浓味又唔过份，加左唔少新鲜菠萝等佢少少辣辣哋又少少甜，我哋好钟意。
自助配料吧
8 浏览
0 赞好
0 留言
自助配料吧
4 浏览
0 赞好
0 留言
自助配料吧好衞生，全部用盖盖住或者用盒装好，连青菜都用保鲜纸包住，抵赞! 选择有好多，一般既火锅配料如龙虾丸，牛丸，猪肉丸，芥末贡丸，包心蟹籽丸，脆皮芝士肠，鱼腐，鱼片头，午餐肉，蟹柳，猪皮都有。较为特别嘅有帆立贝，鱿鱼，鸭血，猪大肠，台湾米血糕等等。饺类都有几款，包括水饺，鱼皮饺，韮菜猪肉饺，冬菇鸡肉饺，鲜虾云吞。青菜有三款，分别系娃娃菜加金菇，生菜同菠菜，全部都好新鲜。其他蔬菜仲有新鲜云耳，淮山，白萝卜，冬瓜，莴苣，莲藕，南瓜片，栗米，山根，唔同菇类。蔬菜质量好高，全部我试过既都好食。主食有稻庭乌冬同出前一丁。值得一提系连炸鱼皮都有，渌一渌就食得，香脆好味。
生菜，菠菜，娃娃菜加金菇
5 浏览
0 赞好
0 留言
自助配料吧
9 浏览
0 赞好
0 留言
饮品柜有两大个，有好多选择。
饮品有几款汽水，解茶，细支装果汁等等。
欣赏佢既自家制竹蔗茅根，少少甜味，感觉天然，系好清甜既蔗汁味。
酱料自己系自助酱料吧攞。
自家制甜品系布丁，牛奶味香又滑溜，上面加左少少脆米。每人限左一份，要同服务员讲先有。
落单后上菜时间都可接受，都冇乜点漏单既，所以两个钟实够食饱。整体而言，食物质素好高！座位舒适，我地两个人霸左个四人卡位，枱同枱之间距离足够，坐得好舒服。整体卫生情况几好，令人食得安心。计落价钱唔算贵，唔怪得平日晚市都咁多人。
张贴
