三多炸肶 (已結業)

慕名去试下三多嘅炸脾，去到见到环境好污糟，不过算，小食拎走当睇唔到。睇一睇个餐牌，小食店嚟讲佢都算想话你听冇咩卖。见佢有套餐，就叫左炸脾加爆柠。叫大大杯爆柠，老老实实，一啲都唔大大杯，一啲都唔爆多或者识爆炸嘅柠。定系佢爆其他意思？结果收多$$19，不如饮可乐，平过佢又好饮过佢。炸脾就唔错，系外脆内嫩，用盐淹过，淹得均衡又唔过咸。又真系热辣辣，但入面好多油，如果佢嘅炸油唔靓真系唔好成日食，而且卖$30一只，真系算贵。