裕鵝莊 (已結業)

今日行过亚士厘道，见到烧味饭，好似几正，就入去试下。坐得舒服嘅，唔迫，比起一般茶餐厅黎讲算有装修，应该可以叫餐厅，唔系茶餐厅。赞一赞杯茶，小麦茶？大麦茶？ 系好饮嘅，比起一般餐厅杯茶有诚意，唔系一般红茶。粉葛汤好浓、好甜，饮得出够晒火喉，饮完之后又无口渴。重有好多炖汤，下次可以试吓。叉烧太瘦啦，有点干，可能因为我无叫肥叉啦。烧鹅keep到深井水准，油脂丰富甘香，皮脆肉嫰，烧鹅髀啖啖肉。梅菜扣肉好入味，猪肉肥瘦适中，唔会话咬落成口油，就禁食可能有少少咸，送饭一流。尖沙咀黎讲价钱唔算贵啦，下次行开呢头都会再食。