深井咖喱寶

营业中

休息中

喺附近工作接近六年都冇嚟过呢间餐厅食饭，今日同事就提议不如去食咖喱，我本身个人好少食，因为每次食咖喱之后都会疴，但系难得同事诚意拳拳的邀请，就即管一试。我哋差唔多两点先入餐厅，所以一入去即刻有位，餐厅布置好靓，墙上挂咗好多印度特色嘅嘢，入到去就好似去咗外国咁，非常特别！虽然迟入咗，但仍然有午餐餐牌，我哋一行五个人叫咗五个餐一齐食，叫咗咖喱牛腩，牛脷，鸡，仲有两个鸡串，另外三个要馅饼，两个要白饭，大家同事一齐开心share !每人先黎一个汤，个汤本身有少少黑椒，好开胃，好快嘢食就上到嚟啦，睇落份量适中，馅饼系超级好食，热辣辣，佢系最常食，亦都系最难整，𠮶个同事都争住食馅饼，又大块有香！个人再推荐咖喱牛脷，啖啖肉之余，个咖喱汁有香有林，但又唔会太辣，不好辣的朋友可以叫呢个，另外见到好多人都推介鸡串，都整得唔错，鸡身够林，再次上柠檬汁更能带出香味，咖喱牛腩同鸡都唔错，好值得推介！我哋一行五个人因为已经迟食饭，再加上真系好好食，大约半个钟已经清枱，非常正！深井难得有一间真系好食嘅餐厅，如果钟意食咖喱嘅朋友切勿错过！