影片
更多
2024-09-25
1122 浏览
朋友去过呢间餐厅话性价比都几高，而且有7不收费，都几公道👍。🫖鸭屎香 (凤凰单丛)系潮汕嘅名茶，有着清香独特嘅花香味，仲免收茶位。🍟小食免费嘅餐前小食肚脐饼， 饿饿地饮住茶食件饼都唔错。🥢金奖潮卤水拼盘$128有鹅肉、鹅颈、鹅翼、鹅红、卤水蛋及卷章(即潮汕猪肉卷)，卤水味做得唔错，口味清香，入味得嚟又唔咸，鹅肉肉质细嫩不失口感，鹅颈滑溜，鹅翼比较有嚼劲，鹅红嫩滑唔腥，卤水蛋流芯刚好，卷章爽弹。🥢金不换南澳鱿鱼$128 用砂锅盛载，热辣辣上枱，滋滋声好有气氛，金不换味道够哂浓郁，鱿鱼爽口又Q弹。🥢酸菜炒肥肠煲$88 肥肠煲与热炉一齐上，keep住个肥肠热辣辣好正；其实本身系朋友想食，而唔食肥肠嘅我都算系一大挑战，不过食落又真系唔错👍，质地Q弹得嚟又带爽口，而且又唔算好肥，配埋酸菜一齐食更加滋味，果然系下饭菜😋。 🥢潮汕七样菜$68亦系煲上热辣辣，不同款式嘅菜共冶一炉，唔油腻都几健康。🥣达濠鱼丸汤$48鱼丸够爽口，鲜虾虽然唔算大只，但系都好鲜甜爽弹。🥣紫菜牛丸汤$48牛丸够晒弹力，而且牛味香浓，配合紫菜汤，饮完更开胃。餐厅唔算大，但系都坐得几舒服。餐厅唔收加一、餐前小食及茶钱，唔算贵得嚟又
🫖鸭屎香 (凤凰单丛)
系潮汕嘅名茶，有着清香独特嘅花香味，仲免收茶位。
🍟小食
免费嘅餐前小食肚脐饼， 饿饿地饮住茶食件饼都唔错。
🥢金奖潮卤水拼盘$128
有鹅肉、鹅颈、鹅翼、鹅红、卤水蛋及卷章(即潮汕猪肉卷)，卤水味做得唔错，口味清香，入味得嚟又唔咸，鹅肉肉质细嫩不失口感，鹅颈滑溜，鹅翼比较有嚼劲，鹅红嫩滑唔腥，卤水蛋流芯刚好，卷章爽弹。
🥢金不换南澳鱿鱼$128
用砂锅盛载，热辣辣上枱，滋滋声好有气氛，金不换味道够哂浓郁，鱿鱼爽口又Q弹。
🥢酸菜炒肥肠煲$88
肥肠煲与热炉一齐上，keep住个肥肠热辣辣好正；其实本身系朋友想食，而唔食肥肠嘅我都算系一大挑战，不过食落又真系唔错👍，质地Q弹得嚟又带爽口，而且又唔算好肥，配埋酸菜一齐食更加滋味，果然系下饭菜😋。
🥢潮汕七样菜$68
亦系煲上热辣辣，不同款式嘅菜共冶一炉，唔油腻都几健康。
🥣达濠鱼丸汤$48
鱼丸够爽口，鲜虾虽然唔算大只，但系都好鲜甜爽弹。
🥣紫菜牛丸汤$48
牛丸够晒弹力，而且牛味香浓，配合紫菜汤，饮完更开胃。
餐厅唔算大，但系都坐得几舒服。
餐厅唔收加一、餐前小食及茶钱，唔算贵得嚟又好食，唔怪得未够6点就有人等位喇，所以我哋避开人潮5点就到😆。
张贴
