心夜來潮 (已結業)

深夜来潮，总会有时侯系好想打下冷食下小炒。打冷首选紧系蚝饼 $86份量好够，蚝仔都好多。最紧要系炸到成个都脆卜卜！连中间位都脆唔系腍架😋酱卤鹅肠 $58每条肠都肥嘟嘟，每啖都食紧一堆脂肪咁，不过够邪恶够爽，碟底有成堆芽菜平衡返～茄子豆角酱炒猪颈肉 $88一上枱已经好香，好够镬气，茄子腍腍地好入味，豆角仲保持到爽脆！猪颈肉冇得弹呀，每一旧都大大旧，入口油脂爆发，配白饭一流！泰椒啫娃娃菜 $68好似好少会系食娃娃菜煲，平时都系通菜呀芥兰咁，点知原来娃娃菜先系大佬级呀！每条菜都索哂辣汁，直程好似打边炉咁，依个大推！砂锅卜卜蚬煲 $168一上枱心谂，点食得哂呀！！每一只蚬都好大，同我地认知既卜卜蚬好唔同，而且几乎冇乜冇开壳既蚬！除咗蚬仲有好多粉丝系底，同埋粟米、金菇、葱、等等嘅蔬菜，好抵食！不过重点系个汤，个汤十分清甜，当全餐都系比较重口味，油腻感十足，饮返碗清汤即刻解晒漏，又可以再食过！呢度位置好就脚方便，而且装修同座位都舒适，同一般打冷店系比较麻甩嘅形象好唔同，唯一唔好系当晚冷气比较大。但当你深夜突然想食个蚝饼，炒个蚬，依到系不二之选。