串燒王 (登龍街)

营业中

休息中

后疫情时代，香港人嘅生活习惯改变咗好多，踏入夜晚9点嘅香港，最怕空气突然安静。如果依家三更半夜想揾宵夜食，比以前真系难咗好多，但都唔系无选择呀！位于铜锣湾嘅串烧王就将登龙街变得热闹，每一串嘅串烧都非常惹味，成为深夜夜缤纷之选！皇牌牛舌心绝对系串烧王嘅名物！牛舌心厚切，大大块够晒足秤，肉质爽口唔靭，牛肉味香浓，性价比超高，牛舌控嘅我要叫多几串先得。纽西兰羊架食串烧又点少得羊架呢！羊架嘅生熟度烧得啱啱好，肉质软腍，带有微微嘅焦香味，油脂丰富，但因为经过大火烧过，所以唔油腻。肥牛金菇卷金菇索晒肥牛嘅油香，重点系金菇唔会烧到干争争，加上特制嘅调味，小小辣，非常惹味！蒜蓉原条茄子茄子真系枱枱都叫！原条茄子烧得啱啱好，唔会太干身，茄子上面铺满调味粉，但味道唔会过咸，味精带有少少辛辣感，加上蒜蓉嘅香味，味道充满层次。串烧我哋另外叫咗五花腩肉串、猪颈肉、日本一口和牛粒、鸡肾串、脆香鸡皮，特别喜欢油份平均嘅五花腩肉串同猪颈肉，如果喜欢脆口嘢嘅话，脆香鸡皮就一定要叫，炸到脆卜卜，够晒香口。