惠澤居

营业中

休息中

途经沙田，夜已经十一点几，肚饿难耐，就喺呢度叫咗一份海南鸡饭。冇几耐就上枱，鸡件摆得好整齐，睇落好吸引。我试咗啖鸡，首先觉得火喉控制得好好，鸡肉食落好嫩滑，而且食得出冇特别加工，原汁原味。不过可能我太夜过到去，餐厅都应该差唔多关门，如果早啲去，我相信味道更加好，因为个饭食落我觉得比较干身。不过如果配埋鸡肉同埋鸡汁，咁就非常好啦。鸡肉嘅份量都唔算少，而且有鸡髀，食落好满足。另外，佢个例汤我觉得都唔错，几足料。我觉得呢个海南鸡饭绝对抵得上呢个价钱。下次肚饿，我都会再嚟呢度食。