上海香港麵家

营业中

休息中

半工读一般处于「三无」嘅苦况：无钱、无时间、无饭食。每日放工就赶去上堂，连食饭时间都冇。落堂时个肚饿到咕噜咕噜叫，好彩朋友发现呢间上海菜馆仍在营业。櫈都未坐暖，店员已经上前落单。佢急，我地个胃都好急，匆忙之际，我地谂到咩就叫咩～1\豆浆（$10）豆浆分咗以下四款：清浆 - 热无糖豆浆热浆 - 热甜豆浆冻浆 - 冻甜豆浆咸浆 - 热咸豆浆清浆豆味浓郁，口感香滑，暖胃果腹。冻浆甜度适中，冻冻地有种凉快感。2\上海粢饭即使夜晚10点几11点，买粢饭嘅客人仍然唔少。店员冇停过咁包粢饭，相信我地果份都系新鲜包制，外内都辣手又辣咀，而且油条仍保持脆口。朋友面对住鲜制嘅粢饭，等唔切我打卡就开餐啦～ 粢饭大大份，切一半同朋友share就岩岩好，宵夜都系少食多滋味为妙。外层粢饭份量多，分布平均，非常饱肚。油条占咗一半馅料，另一半以肉松为主，配少少酸菜。味道口感丰富，唔油腻。3\小笼包皮薄多汁，汤汁夹杂着肉馅嘅鲜味，口感鲜香。用筷子从顶端挟起，外皮完整无穿无烂，放系汤匙上先咬破一口，吸干汤汁，再以姜丝黑醋作伴，一啖放入口中，肉馅同黑醋味道好夹喔。