明記甜品 (吳松街) (已結業)

食完饭又睇完波, 仲好似未够皮咁, 于是同好友食家"乜都放入窿"揾下有冇甜品食, 由于时间都几夜, 所以稍为出名好食嘅甜品店都打晒烊, 终于见到呢间食店, 商量一阵后决定一试!其实师傅喺好多年前试过一次, 不过记忆模糊, 难得有缘再聚, 当然要试真啦; 坐底后即刻睇下有咩好食, 最后师傅拣左芒果西米露, 而好友食家"乜都放入窿"就拣左喳咋!转眼间就有得食, 两碗糖水份量都几多, 先讲下芒果西米露, 芒果都几甜, 几好味, 而西米露就好多西米, 唔会水汪汪咁, 不过可能系冻食所以感觉比较杰, 但椰汁都几香加左少少花奶又几滑; 不错; 而好友食家"乜都放入窿"嘅喳咋师傅就冇试到, 不过听佢讲都几足料, 味道不错!总括黎讲甜品水准都算几好, 环境一般, 不过深夜坐喺街边亦算舒服, 服务就冇咩特别, 而价钱就几平, 所以糖水一律十二, 绝对抵食; 难得同好友食家"乜都放入窿"黎个深宵甜品, 真系超开心, 而呢间食店咁夜后都未收工, 绝对系比师傅呢d夜鬼多一个地方食野, 有机会都会再黎, 笑脸可以一比!