幸福駅 (已結業)

深水埗系一个永远都发掘唔晒既美食区。早几日我同朋友行过呢间新开冇耐的小食店，见到都几精致，决定入去试一试。门口装潢俾到一种很舒服的立食式的配置，而且呢度招牌食物都系即叫即整，够晒新鲜热辣 !呢度招牌菜有喜列猪扒三文治，酱油鸡扒三文治，同埋玉子烧。我地当然系叫晒啦 !呢度既猪扒系用左美国豚肉眼吉列制作，肉质弹牙有肉味。三文治都系烘到脆先同猪扒包夹住，加埋 D 菜丝去中和油炸感。咬下去真系听到脆声架 !鸡扒饱都好精彩，脆炸鸡扒既口感加上佢调配既 烧汁，会食到另一种风味。另外，除了三文治就系呢度既玉子烧啦，佢配好既蛋浆煎完再淋上樱花虾，咸香得来又有玉子烧既蛋香食完晒主食，觉得有少少油感，于是我地叫左佢既冷泡茶 同埋 大福 去中和一下。如果你净系叫冷泡茶，系会有 D 淡，因为佢要同三文治一齐食，就会有魔法效应，好夹 !!!饮完之后齿𣍰留香，会有一种清新感。整体来讲呢间店我觉得几唔错，作为小食店佢做得几出色。推介大家去试下