炯記手撕雞 (汝州街) (已結業)

深水埗炯记 今日同妈咪去深水埗行街👭💞。见到网上极力推荐炯记，于是就自己亲身试下😘😘。食物方面种类有很多，基本上烧味，猪手，手撕鸡较为有名。而其实店内都有二人餐，样样有啲。不过妈咪会想食多啲小食，所以我哋今次拣咗单点。首先试咗烧味双拼捞粗，选择咗叉烧同烧鹅，价钱公道，加少少钱仲食到烧鹅髀🤩🤩🤩大大只，好抵食。叉烧肥瘦匀称，啖啖肉，食完都唔会好大罪恶感。跟住叫咗个炯记三皇盘，即系有凤爪，云耳，同埋鸡肾。样样有啲，好高质。而三样小食都系凉拌菜，惹味得嚟又唔会食到个人热辣辣😝十分开胃，搞到我地都愈食愈多嘢～而猪手好香好入味，嗌咗两大旧，一人一旧。猪手嘅酱汁十分惹味，而且猪手好淋，就算老人家慢慢食都可以，亦都比起坊间猪手大旧。另一道都系佢哋招牌菜，手撕鸡。选择困难症下拣咗鸳鸯口味，即系有辣有唔辣，仼君选择。我哋年轻人应该会中意辣味手撕鸡，感觉上较惹味好食，辣度啱啱好。但妈妈会较中意唔辣，因为有鸡肉的咸香味，唔会太辣太辛苦。最后一道系鹅油生菜，一上枱油花好靓，没有多余调味，但作为食完一大轮食物想清清口味嘅青菜，我地食到生菜本身的原味道，所以都赞好👍。