第一郡

营业中

休息中

第一郡之前开系深水埗，已经好有人气，成日要排队。估唔到佢搬左过黎油麻地全层之后都系排晒长龙😅😅首先系佢哋嘅越式法包，个面包皮脆身软，入口即化，加上入面嘅猪腩肉，札肉同埋胡萝卜丝青瓜，重点系佢个猪肝酱！成个banh mi嘅灵魂。成个包非常正宗，香港数一数二，而且抵食！出面成日卖90蚊，仲要唔好食。仲贪心叫左烤猪肉软包，试下软包嘅口感。都唔错，而烤猪肉份量都好多，香口🥰 番茄蟹檬非常好食，水准keep到。汤底好青甜，好大旧蟹膏，好满足。鲜虾米纸卷都好清新，配埋花生酱，味道好好，不过呢个其他舖都好常见，未算好有特色。芒果糯米卷都几好食，糯米同芒果果肉嘅搭配好协调，芒果好甜，而糯米厚薄适中，越南店嘅居然仲比起长州糯米糍好食😂😂斑斓绿豆糕好靓只色，绿豆味好浓郁，口感烟韧。饮品叫左牛油果沙冰，虽然固定甜度不过唔甜好清新，牛油果味好突出，沙冰幼滑，清香爽口。仲叫左2个椰青不过无影，成餐饭都系300蚊😱😱😱 呢d小店真系好唔容易挨过疫情，系油麻地附近大家可以黎试下。