影片
更多
2023-07-05
41 浏览
今日出咗深水埗，差唔多到晚饭时间，就喺OpenRice揾吓附近有啲咩好嘢食，见到呢间Supreme Steak & Grill 好多好评，咁我自己都钟意食牛扒，就走过来试吓。幸好到嘅时候只系六点几，餐厅未有太多人，没有订位之下亦都即刻有位，因为到我走嘅时候七点几，间餐厅基本上全部爆满，而且见到好多都系订咗位嘅客人。餐厅布置比较简约，灰色墙身，冇太多装饰，但系座位都比较阔落。用点餐纸自己剔要什么食物，然后交给店员。有几款扒类套餐，可选牛扒/猪扒/羊扒/鱼等等，一个价钱连埋90分钟任食薯条和一罐汽水/咖啡。我哋叫咗两份牛扒，一份系安格斯肉眼扒，另外一份系安格斯封门柳。两份都叫咗五成熟。封门柳肉味比较重，而安格斯就比较软熟。两件扒嘅质素都唔错，拍得住高级餐厅，不过份量就不算大，同埋调味比较轻手，要配埋佢嘅黑椒汁来吃，其实佢系专食牛扒嘅餐厅，如果枱面预备海盐同埋黑椒碎方便客人自己添加就会更加好。我自己食牛扒就钟意多少少海盐调味，唔钟意点酱汁。佢嘅薯条系幼薯条，炸得好香脆，而且唔会油淋淋，好好食。其实餐厅都仲有一啲小食同埋沙律可以另外叫。
餐厅布置比较简约，灰色墙身，冇太多装饰，但系座位都比较阔落。用点餐纸自己剔要什么食物，然后交给店员。
有几款扒类套餐，可选牛扒/猪扒/羊扒/鱼等等，一个价钱连埋90分钟任食薯条和一罐汽水/咖啡。
我哋叫咗两份牛扒，一份系安格斯肉眼扒，另外一份系安格斯封门柳。两份都叫咗五成熟。
封门柳肉味比较重，而安格斯就比较软熟。两件扒嘅质素都唔错，拍得住高级餐厅，不过份量就不算大，同埋调味比较轻手，要配埋佢嘅黑椒汁来吃，其实佢系专食牛扒嘅餐厅，如果枱面预备海盐同埋黑椒碎方便客人自己添加就会更加好。我自己食牛扒就钟意多少少海盐调味，唔钟意点酱汁。
佢嘅薯条系幼薯条，炸得好香脆，而且唔会油淋淋，好好食。
其实餐厅都仲有一啲小食同埋沙律可以另外叫。
张贴
